एक्तारिनवर्ग (एजेन्सी)– फ्रान्स जारी विश्व कपको दाबेदार मध्येको एक मानिएको छ । तर, टोलीको विश्व कपको पहिलो खेलमा टोलीले गरेको प्रदर्शनबाट भने समर्थक खुसी हुन सकेनन् । यद्दपी अस्ट्रेलियालाई २–१ ले हराउँदै टोलीले विजयी सुरुवात भने गरेको छ । समूह सीमा फ्रान्सले दोस्रो खेलमा पेरुको सामना गर्दैछ । खेल राती ८ः४५ बजे सुरु हुनेछ ।

यो जित्न सके फ्रान्सको दोस्रो चरण पुग्ने सम्भावना बलियो हुनेछ । पेरुलाई पनि दोस्रो चरण पुग्न जित नै आवश्यक छ । पहिलो खेलमा अस्ट्रेलियालाई २–१ गोलले पराजित गरेपनि फ्रान्सले सोचेअनुरुपको प्रदर्शन गर्न सकेको थिएन । विश्वका उत्कृष्ट खेलाडीहरुको जमघट रहेको फ्रान्स हरेक पोजिसनमा बलियो भएपनि दोस्रो चरण प्रवेशको सम्भावना जीवित राख्न आफ्नो खेल सुधार गर्न पर्ने चुनौती छ ।

यता पेरु पहिलो खेलमा बेहोरेको हारलाई बिर्सदै फ्रान्सविरुद्ध खेल्ने योजनामा हुनेछ । डेनमार्कले गोल गर्नुअघि पेरुले पेनाल्टीको मौका सदुपयोग गर्न सकेको थिए । उक्त पेनाल्टी सदुपयोग भएको भए खेलले अर्कै मोड लिने थियो ।

अब पेरुलाई बलियो टिम फ्रान्ससँग खेल्न दबाव छ । दवावबाट माथि उठ्न सके पेरुमा फ्रान्सलाई हराउन सक्ने क्षमता छ । पेरुको धैर्यपूर्वक खेलेर फ्रान्सलाई स्तब्ध पर्ने रणनीति छ । फ्रान्स र पेरुबीच १९८२ मा खेल भएको थियो । खेलमा पेरुले फ्रान्सलाई १–० गोलले हराएको थियो ।