काठमाडौं (हाम्रो खेलकुद) – लक्ष्मी हुण्डाई मनाङ–मस्र्याङ्दी क्लबले राजधानीमा जारी तेस्रो संस्करणको ललित स्मृति यु–१८ फुटबल प्रतियोगितामा पहिलो जित दर्ता गरेको छ । सातदोबाटोस्थित एन्फा कम्प्लेक्सको खेल मैदानमा भएको खेलमा विशव लामाको ह्याट्रिक मद्दतमा मनाङले हिमालयन शेर्पालाई ३–० ले पराजित गरेको हो ।

पहिलो जितसँगै मनाङले क्वार्टरफाइनल पुग्ने सम्भावना जीवितै राखेको छ । विश्वले खेलको १८, ५३ र ७५ औं मिनेटमा गोल गर्दै ह्याट्रिक पूरा गरे । यता, बुधबारै भएको पहिलो खेलमा रुस्लान थ्री स्टार फ्रेन्ड्ससँग २–२ गोलको बराबरीमा रोकिदै प्रतियोगिताको समूह चरणबाट बाहिरिएको छ ।

समूहको चार खेलबाट थ्री स्टारको ५ अंक रहेको छ । यो समूहमा फ्रेन्डस्को ५, शेर्पा र सुदूरको समान ४ र मनाङको ३ अंक रहेको छ । यिनीहरुले समुहमा १–१ खेल खेल्न बाँकी छ ।प्रतिस्पर्धात्मक बनेको खेलको इन्जुरी समयमा थ्री स्टारले बराबरी गोल फर्काएको थियो ।

खेलको छैटौ मिनेटमा सन्देश न्यौपानेको गोलबाट फ्रेन्डस्ले अग्रता बनाएको थियो । आठौ मिनेटमा थ्री स्टारका टिकाराज गुरुङको गोलबाट थ्री स्टारले बराबरी गरेको थियो । १४ औं मिनेटमा सनिश श्रेष्ठेले गोल गरेपछि फ्रेन्डस्ले पहिलो हाफमा २–१ को अग्रता बनाएको थियो ।

तर, खेलको इन्जुरी समयमा रोशन लामिछानले सनसनीपूर्ण गोल गरेपछि खेल २–२ गोलको बराबरीमा टुंगियो । प्रतियोगिता अन्र्तगत बिहिबार आर्मी र मच्छिन्द्र तथा लुम्बिनी र सरस्वतीबीच खेल हुनेछ ।