मस्को (एजेन्सी) – विश्व कपको समूह बीको महत्वपूर्ण खेलमा स्पेन र इरानबीच महत्वपूर्ण प्रतिस्पर्धा हुँदैछ । पूर्व विजेता समेत रहेको स्पेनले पहिलो खेलमा पोर्चुगलले ३–३ को बराबरी खेलेका थियो । इरानले भने पहिलो खेल जित्ने क्रममा मोरोक्कोलाई १–० ले हराएको थियो ।

प्रि क्वार्टरफाइनलको सम्भावनालाई बलियो बनाउन स्पेन र इरान दुवैलाई यो खेल महत्वपूर्ण हुनेछ । स्पेनले यो खेलमा बराबरी वा हारेमा अघिल्लो चरणको यात्रा कठिन बन्नेछ । जितेको खण्डमा भने पोर्चुगलसँग अंकमका बराबरी गर्ने छ ।

केहि समय अघि आजै भएको समूह एको अर्को खेलमा मोरोक्कालाई १–० ले हराउँदै क्रिस्टियानो रोनाल्डोको पोर्चुगलले ४ अंक पुर्याएको छ । इरानले यो खेल जितेमा भने अन्तिम १६ मा पुग्ने सम्भावना बलियो बन्नेछ ।

पोर्चुगलविरुद्धको पहिलो खेलमा दुई गोल गरेका डिएगो कोस्टासहित इस्को, डेभिड सिल्भा, लुकास भाज्केज, आन्द्रे इनियस्टा, सर्जियो बुस्केट, जोर्डी अल्बा, सर्जियो रामोस, जेरार्ड पिके, डानियल कार्भाजाल र डेभिड डि हेयाले इरानविरुद्ध सुरुवात गर्नेछन् ।

त्यस्तै इरानमा सरदार इज्मन, मेहेदी तारेमी, भाहिद असरिफाद, ओमिद इब्राहिमी, सेइद इजातोलाही, रहिम रेजाइन, मजिद हुसेनी, मोर्टेजा पोरलुगाजी, इसान हाजि साफी र इलिरिजा बेर्नाभान्डले स्पेनविरुद्ध सुरुवात गर्नेछन् ।