काठमाडौं (हाम्रो खेलकुद) – नेपाली राष्ट्रिय फुटबल टिमका मुख्य प्रशिक्षक ग्योतोकु कोजीले आसन्न एसियन गेम्स र दक्षिण एसियाली खेलकुद (साफ) को लागि ३३ खेलाडी छनोट गरेको छ । जापानिज मुख्य प्रशिक्षक कोजीले प्रारम्भिक चरणमा रहेका ५० खेलाडीबाट ३३ जना खेलाडीको छनोट गरेको हो ।

एसियन गेम्समा यु–२३ को टोली रहने छ । जसमा तीन खेलाडी बढी उमेरको राख्न पाउने प्रावधान छ । एसियन गेम्स १८ अगष्ट देखि २ सेप्टेम्वरमा इण्डोनेसियाको जाकार्तामा हुदैछ । साफ गेम्स सेप्टेम्वर ४ देखि १५ तारिखसम्म बंगलादेशमा हुदैछ ।

साफ च्याम्पियनसिपमा नेपाल समूह ‘ए’ मा रहेको छ । नेपाल रहेको समूहमा आयोजक बंगलादेशसँगै भुटान र पाकिस्तान रहेका छन् । नेपालले ४ सेप्टेम्वरमा पाकिस्तानसँग खेल्दै साफ च्याम्पियनसिपको शुरुवात गर्नेछ । त्यसपछि नेपालले ६ सेप्टेम्बरमा भुटान तथा ८ सेप्टेम्वरमा आयोजक बंगलादेशको सामना गर्नेछ ।

दोस्रो चरणमा छनोट हुन सफल खेलाडीहरु
१.किरण कुमार लिम्बु (गोलरक्षक)
२. बिकेश कुुथु (गोलरक्षक)
३. विशाल श्रेष्ठ (गोलरक्षक)
४. एलेन न्यौपाने (गोलरक्षक)
५. सोजित गुरुङ (गोलरक्षक)
६. विराज महर्जन (डिफेन्डर)
७. अनन्त तामाङ (डिफेन्डर)
८. रविन श्रेष्ठ (डिफेन्डर)
९.आदित्य चौधरी (डिफेन्डर)
१०. सुमन अर्याल (डिफेन्डर)
११.रवि सिलवाल (डिफेन्डर)
१२. कमल श्रेष्ठ(डिफेन्डर)
१३.दिनेश राजवंशी (डिफेन्डर)
१४. देवेन्द्र तामाङ (डिफेन्डर)
१५. रोहित चन्द (मिडफिल्ड)
१६. विशाल राई (मिडफिल्ड)
१७. हेमन गुरुङ (मिडफिल्ड)
१८.हेमन्त थापामगर (मिडफिल्ड)
१९. गौरव बुढाथोकी (डिफेन्डर)
२०. छिरिङ गुरुङ (डिफेन्डर)
२१. अन्जन विष्ट (विङ्गर)
२२.सुनिल बल (विङ्गर)
२३.सुजल श्रेष्ठ (विङ्गर)
२४. बिमल घर्तीमगर (विङ्गर)
२५. भरत खवास (फरवार्ड)
२६. नवयुग श्रेष्ठ (फरवार्ड)
२७.जर्ज प्रिन्स कार्की (फरवार्ड)
२८. निराजन खड्का (मिडफिल्ड)
२९. सुमन लामा (फरवार्ड)
३०.अभिषेक रिजाल (मिडफिल्ड)
३१.तेज तामाङ (मिडफिल्ड)
३२. मान बहादुर तामाङ (डिफेन्डर)
३३. सन्तोष तामाङ (मिडफिल्ड)