आयोजक रुस विश्वकपको दोस्रो चरणमा, इजिप्ट बाहिरियो

मस्को(एजेन्सी)- आयोजक रसिया विश्वकप फुटबलको नकआउट चरणका पुग्ने पहिलो टोली बनेको छ । मंगलबार राति भएको खेलमा इजिप्टलाई ३–१ को गोलअन्तरमा पराजित गर्दै रसिया विश्वकपको नकआउट चरणमा पुग्ने पहिलो टोली बनेको हो ।

समूह चरणमा रसियाको यो लगातार दोस्रो जित हो । रुसले अब उरुग्वेसँग खेल्न बाँकी छ । रसियासँगको हारसँगै इजिप्ट विश्वकपको समूह चरणबाटै बाहिरिएको छ । पहिलो हाफ बराबरीमा सकिए पनि दोस्रो हाफमा इजिप्टको आत्मघाती गोलबाट रुसले अग्रता लिएको थियो ।

४७ औं मिनेटमा इजिप्टका कप्तान मोहमद फाथीले बल रोक्ने क्रममा आफ्नै पोष्टमा बल छिराएका थिए । त्यसपछि डेनिस चेरसिभले ५९ औं मिनेटमा अर्को एक गोल थप्दै खेललाई २–० को अवस्थामा र्पुयाए ।

त्यसको तीन मिनेटपछि अर्थात ६२ औं मिनेटमा ज्युभाले अर्को गोल गर्दै रसियालाई ३–० को अग्रता दिलाए । ७३ औं मिनेटमा इजिप्टले पेनाल्टीमार्फत् एक गोल फर्कायो । इजिप्टका लागि चर्चित स्ट्राइकर मोहम्मद सलाहले गोल गरे । मोहम्मद सलाहलाई रुसका खेलाडीले डीबक्सभित्र लडाएका थिए । सुरुमा रेफ्रीले फ्रिकिक नदिएपनि भिडियो रिप्लेबा इजिप्टले पेनाल्टीको मौका पाएको थियो ।