मस्को (एजेन्सी)– अर्जेन्टिनाका सुपर स्टार लियोनल मेस्सीले आइसल्यान्डविरुद्ध पेनाल्टीमा गोल गर्न नसक्दा दुःख लागेपनि विश्व कप समह चरणका बाँकी खेलका लागि थप प्रतिबद्ध रहेको बताएका छन् । दोस्रो हाफमा पाएको पेनाल्टीमा मेस्सीले गोल गर्न नसकेपछि खेल १–१ को बराबरीमा टुंगिएको थियो ।

आइल्यान्डका गोलकिपर हानेस हाल्डोर्सनले उनको पेनाल्टीलाई रोकेका थिए । खेल मेस्सीका लागि पीडादायक बनेपनि अर्जेन्टिजा जितको हकदार थियो । तर, पेनाल्टीमा गोल गर्न नसकेपछि टोली तीन अंक जोड्नबाट बिमुख रह्यो ।

‘मैले खेलको कथा बदल्न सकिन । पेनाल्टी हाम्रा लागि फाइदाजनक बनाउन सकिएन,’ खेलपछि मेस्सीले भने, ‘पेनाल्टीमा गोल गर्न नसक्दा निश्चयनै त्यसले दुःख लागेको छ । हामीले जित्नुपर्ने खेल थियो ।’ उनले टोली तीन अंकको हकदार रहेको पनि बताए । ‘जितका साथ प्रतियोगिताको सुरुवात गर्नु सधै महत्वपूण हुन्छ ,’ मेस्सीले भने, ‘अब हामीले क्रोएसियाविरुद्धको खेलका बारेमा सोच्नु पर्दछ ।’

खेलभर पोस्टमा ११ आक्रमण गरेपनि मेस्सी गोल गर्न असफल भए । अल्फ्रेड फिबोग्सनले बराबरी गोल गर्नुअघि अर्जेन्टिनाका लागि सर्जियो अगुएरोले गोल गरेका थिए । तर, विपक्षी खेलाडगीले आफुलाई पेनाल्टी बक्समा फाउल हानेपछि प्राप्त पेनाल्टीमै मेस्सी चुके । जसको फलस्वरुण पहिलो पटक विश्वकप खेलिरहेको आइसल्यान्ड अर्जेन्टिनासँगको खेलमा १ अंक जोड्न सफल भयो ।