मस्को (एजेन्सी)– रसिया विश्वकपमा आजबाट समूह ‘ई’ का खेलहरु हुदैछन् । समूहको पहिलो खेलमा कोष्टारिकाले सर्बियाको सामना गर्दैछ । खेल नेपाली समयअनुसार साँझ ५ः४५ बजेपछि सामरा स्टेडियम सामरामा हुनेछ । यि दुई टिम पहिलोपटक एक आपसमा खेल्न लागेका हुन् ।

दुवै टोली खेललाई आफ्नो पक्षमा पार्दै दोस्रो चरण प्रवेश गर्ने सम्भावना बलियो बनाउन चहान्छन् । त्यसैले यि दुई टिमबीचको खेल निकै रोमाञ्चक र प्रतिसपर्धात्मक हुने अपेक्षा गरिएको छ । कोस्टारिका चार वर्षअघि ब्राजिल विश्वकपमा पाएको सफलता रसिया विश्वकपमा दोहो¥याउने लक्ष्यमा हुनेछ ।

कोस्टारिकाले त्यतिबेला इटाली, इङ्ल्यान्ड र उरुग्वे रहेको समूहबाट आश्चर्यजनक रूपमा क्वार्टरफाइनलसम्म पुग्न सफल भएको थियो । प्रशिक्षक ओस्कार रामिरेजले पाका र भेट्रान खेलाडीलाई समेट्दै रुस भ्रमणलाई निकै सन्तुलित टोली बनाएका छन् । स्पेनिस क्लब रियल मड्रिडका पहिलो रोजाइका गोलरक्षक केलर नाभास टिममा रहनु पनि टोलीका लागि खुसीको कुरा हो ।

नाभास विश्वस्तरका सबै विपक्षी स्ट्राइकरसँग जानकार रहेकाले पनि यसको फाइदा कोस्टारिकाले उठाउन सक्नेछ । तर, टिमका मुख्य खेलाडी ब्रायन लुइज र जोइल क्याम्पवेलको चोट कोस्टारिकाका लागि घातक हुन सक्छ । ठूला टिमलाई पराजित गर्न सक्ने क्षमता कोस्टारिकाको टोलीमा रहेको छ ।
कोष्टा रिकाले विश्वकप अघिको दुवै खेल गुमाएको गियो । पहिला खेलमा इंग्ल्याण्डसँग २–० ले पराजित भएको कोष्टा रिका दोस्रो खेलमा बेल्जियमसँग ४–१ ले पराजित भएको थियो । कोष्टा रिकाका लागि एकमात्र गोल ब्रायन रुइजले गरेका थिए । यता, सर्विया पनि कमजोर टोली भने होइन ।

सर्बियासँग चेल्सीका पूर्व डिफेन्डर ब्रानिस्लाभ इभानोभिकजस्ता भेट्रान खेलाडी रहेको छ । उनी सर्वियाका लागि सबैभन्दा धेरै अन्तर्राष्ट्रिय प्रतियोगिता खेल्ने खेलाडी हुन् । सर्बियाका कप्तान एलेक्ससान्डर कोलारोभले कोष्टा रिकाविरुद्ध आफ्नो खेल खेल्ने बताएका छन् ।

सर्वियाले विश्वकप अघिको मैत्रीपूर्ण खेलमा १ जित र १ हार बेहोरेको थियो । चिलीसँग १–० ले पराजित सर्वियाले दोस्रो खेलमा बोलिभियालाई ५–१ ले पराजित गर्दै विश्वकपमा दरिलो उपस्थितिको सम्भावना देखाएको थियो ।