मस्को (एजेन्सी)– ब्राजिलियन सुपर स्टार नेयमारले आफुलाई विश्वको उत्कृष्ट खेलाडी भएको मात्र नभई लियोन मेस्सी र क्रिस्टियानो रोनाल्डो अर्कै ग्रहको खेलाडी भएको बताएका छन् ।

बार्सिलोनाबाट कीर्तिमानी रकम गत वर्ष पेरिस सेन्ट जर्मेन पुगेका नेयमार विश्वकै महंगा खेलाडी बनेका थिए । यद्दपी उनले आफ्नो लागि खर्च गरेको रकम बढी भएको स्वीकारेका छन् । केहि वर्षयता नेयमारलाई रोनाल्डो र मेस्सीसँग तुलना गरिदै आएको छ । यद्दपी पछिल्लो दश वर्ष बलोन डी ओर रोनाल्डो र मेस्सीले मात्र जित्दै आएका छन् । दुवैले अहिले सम्म समान ५ पटक जितिसककेका छन् ।

मेस्सी र रोनाल्डो भन्दा आफु पछि रहेको बुझेका नेयमारले भने, ‘क्रिस्टियानो रोनाल्डो र मेस्सी बाँकी सबैभन्दा फरक छन्,’ उनले भने, ‘अहिलेका लागि विश्वको खेलाडी म हु । उनीहरु अर्कै ग्रहका हुन् ।’ यति बेला मेस्सी, रोनाल्डोसहित नेयमार रुसमा जारी विश्वकपमा केन्द्रित छन् । अघिल्लो विश्व कपको सेमिफाइनलमा ब्राजिल ७–१ ले पराजित भएको थियो । चोटका कारण नेयमारले भने त्यो खेल गुमाएका थिए ।

यसपटक आइतबार स्विट्जरल्यान्डसँग खेल्दै ब्राजिलले विश्वकपको सुरुवात गर्दैछ । कोस्टा रिका र सर्बिया रहेको समूहबाट ब्राजिल सहजै नकआउट चरणमा पुग्ने अनुमान गरिएको छ । चार वर्षअघि घरेलु मैदानमा भएको विश्वकपमा सेमिफाइनलबाट बाहिरिएपनि ब्राजिललाई सदाबहार दाबेदारका रुपमा हेरिन्छ ।