क्रोएसिया विरुद्ध नाइजेरिया – खेल जानकारी, अनुमान र हेर्नलायक खेलाडी

काठमाडौं (हाम्रो खेलकुद) – विश्वकप समूह ‘डि’ को दोस्रो तथा आजको अन्तिम खेलमा युरोपेली राष्ट्र क्रोएसिया अफ्रिकी राष्ट्र नाइजेरियाको सामना गर्दै छ ।

क्रोएसियामा रियल म्याड्रिडका लुका मोड्रिच, बार्सिलोनाका इभान राकिटिच जस्ता विश्व स्तरीय नामहरु रहेका छन् । अग्रपंक्तिमा पनि मारियो मान्डजुकिच छन् भने उसको डिफेन्स बलियो र अनुभवी रहेको छ । ठूलो प्रतियोगितामा आफ्नो क्षमता अनुसार प्रदर्शन नगरेको क्रोएसियाले आलोचना खेप्दै आएको छ । यस विश्वकपमा भने क्रोएसिया सो तथ्यलाई बदल्न चाहन्छ ।

नाइजेरियाको टोलीमा पनि युरोपको शीर्ष क्लबमा खेलिरहेका नामहरु छन् । भिक्टर मोजेज चेल्सीका लागि खेल्छन् भने एलेक्स इवोबी आर्सनलका लागि । त्यस्तै पूर्व चेल्सीका खेलाडी जोन ओबि मिकेलको भुमिका पनि मिडफिल्डमा महत्त्वपूर्ण रहेको छ । समूह ‘डी’ लाई ‘ग्रुप अफ डेथ’ मानिएकाले दुवै टोली ३ अंकसहित आफ्नो विश्वकप अभियान सुरु गर्न चाहन्छन् ।

प्रत्यक्ष प्रसारण

नेपाल टेलिभिजन, कान्तिपुर, एक्सन स्पोर्ट्स, सोनी टेन २

समय

यस खेल नेपाली समय अनुसार रातिको १२.४५ बजे सुरु हुने छ ।

हेर्नलायक खेलाडी

लुका मोड्रिच (क्रोएसिया)
भिक्टर मोजेज (नाइजेरिया)

अनुमान

क्रोएसिया २-१ नाइजेरिया