काठमाडौं (हाम्रो खेलकुद) – समूह ‘डि’ को पहिलो खेल तथा आज शनिबारको दोस्रो खेलमा विश्वकप दाबेदार अर्जेन्टिना र विश्वकपमा पहिलो पटक भाग लिंदै गरेको आइसल्यान्ड भिड्दै छन् ।

विश्वकपमा छनोट हुन अर्जेन्टिनाले कठिन यात्रा गर्नु परेको हो । त्यस्तै मार्चमा खेलिएको मैत्रीपूर्ण खेलमा स्पेनसंग ६-१ ले पराजित भएपछि अर्जेन्टिनालाई अरु दाबेदारको तुलनामा कम्जोर मानिएको छ । तर, लियोनल मेस्सी सम्मिलित अर्जेन्टिना आकर्षक सुरुवात गर्दै बलियो दाबेदारको रुपमा आफूलाई उभ्याउन चाहन्छ ।

२०१४ को विश्वकप उपविजेता रहेको अर्जेन्टिनाका लागि उसका गोलकिपर रोमेरो र मिडफिल्डर म्यानुयल लान्जिनी घाइते रहेका छन् । आज अग्रपंक्तिमा मेस्सीलाई डि मारिया, गोन्जालो हिग्वाइन र म्याक्सी मेजाको साथ रहने छ ।

अर्को तर्फ, युरोकप २०१६ मा सोचेभन्दा निकै उत्कृष्ट प्रदर्शन गरेको आइसल्यान्ड सोही प्रदर्शन विश्वकपमा दोहोर्‍याउन चाहन्छ । आइसल्यान्डका लागि मिडफिल्डर गिल्फी सिगर्डसनको फिटनेस मुख्य चासोको विषय हुने छ ।

सम्भावित सुरुवाति ११

अर्जेन्टिना – काबालेरो; फाजियो, बुस्टोस, टागलियाफिको, ओटामेन्डी; मासेरानो, लो सेल्सो, डि मारिया, मेजा, मेस्सी; हिग्वाइन
आइसल्यान्ड – हालडोर्सन; माग्नुसन, रागनार सिगर्डसन, आर्नासन, सेभरसन, जार्नासन, गुनरसन, सिगर्डसन, गुडमुनसन; सिगरडार्सन, फिन्बोगासोन

प्रत्यक्ष प्रसारण

नेपाल टेलिभिजन, कान्तिपुर, एक्सन स्पोर्ट्स, सोनी टेन २

समय

यस खेल नेपाली समय अनुसार साँझको ६.४५ बजे सुरु हुने छ ।

हेर्नलायक खेलाडी

लियोनल मेस्सी (अर्जेन्टिना)
केरी आर्नासन (आइसल्यान्ड)

अनुमान

अर्जेन्टिना २-० आइसल्यान्ड

तपाईंको अनुमानमा यस खेलको नतिजा के हुने छ?