काठमाडौं (हाम्रो खेलकुद) – विश्वकप समूह ‘सी’ को तथा आज शनिबारको पहिलो खेलमा युरोपको बलियो राष्ट्र फ्रान्स र अष्ट्रेलिया भिड्दै छन् ।

यस विश्वकपमा फ्रान्सलाई दाबेदारका रुपमा हेरिएको छ । फ्रान्सेली टोली युवा रहे पनि ऊ आफ्नो गतिका लागि चिनिन्छ । युरोकपको फाइनलमा आश्चर्यजनक तरिकाले हार खेपेको फ्रान्स यस विश्वकपमा भने सो सम्झना भुलाउंदै आफ्नो दाबेदारी पहिलो खेलमै प्रस्तुत गर्न चाहन्छ ।

अर्को तर्फ, अष्ट्रेलिया तुलनात्मक रुपमा कमजोर रहेको टोली हो । प्ले-अफबाट छनोट भएको अष्ट्रेलियन टोलीमा युवा र अनुभवी खेलाडीहरुको सम्मिश्रण रहेको छ । तर, फ्रान्सको एन्टोइन ग्रिजम्यान, किलियन एम्बाप्पे र ओलिभर जिरु सम्मिलित अग्रपंक्तिलाई रोक्न भने अष्ट्रेलियालाई निकै कठिन हुने छ ।

सम्भावित सुरुवाती ११

फ्रान्स – लोरिस; पाभार्ड, उम्टिटी, भरान, लुकास; पोग्बा, कान्टे, माटुइडी; जिरु, ग्रिजम्यान, एम्बाप्पे
अष्ट्रेलिया – रायन; बेहिच, मिलिगान, सेन्सबरी, रिस्डोन; जेडिनाक, मोय, लेकी, रोजिच, क्रुस; नबोट

प्रत्यक्ष प्रसारण

नेपाल टेलिभिजन, कान्तिपुर, एक्सन स्पोर्ट्स, सोनी टेन २

समय

खेल नेपाली समय अनुसार बेलुकाको ३.४५ बजे सुरु हुने छ ।

हेर्नलायक खेलाडी

एन्टोइन ग्रिजम्यान (फ्रान्स)
म्याथ्यु लेकी (अष्ट्रेलिया)

अनुमान

फ्रान्स ३-० अष्ट्रेलिया

तपाईंको यस खेलमा अनुमान के रहेको छ?