काठमाडौं (हाम्रो खेलकुद) – समूह ‘बि’ मा आज खेलिने दोस्रो खेल तथा आजको अन्तिम खेलमा युरोपका दुई बलिया राष्ट्र स्पेन र पोर्चुगल भिड्दै छन् ।

युरोकप २०१६ को च्याम्पियन रहेको पोर्चुगल आफ्नो सो लयलाई अर्को ठूलो प्रतियोगितामा निरन्तरता दिन चाहन्छ । अर्को तर्फ दुई दिन अघि आफ्नो प्रशिक्षक जुलेन लोपेटेगुईलाई बर्खास्त गरेको स्पेनबाट के अपेक्षा गर्ने अन्योल रहेको छ ।

स्पेनले छनोट चरणमा निकै प्रभावशाली प्रदर्शन देखाउन सफल भएको थियो । मार्चमा खेलिएको मैत्रीपूर्ण खेलमा स्पेनले अर्जेन्टिनालाई ६-१ ले हराउंदै विश्वकपका लागि आफ्नो दाबेदारी स्पष्ट पारेको थियो । त्यस्तै च्याम्पियन्स लिग जितेका क्रिस्टियानो रोनाल्डो पोर्चुगलका लागि मुख्य खेलाडी हुन् । उनी हालै खेलिएको मैत्रीपूर्ण खेलमा लयमा पनि देखिएका थिए र उनको मनोबल पनि अवश्य उच्च रहेको छ ।

सम्भावित सुरुवाती ११

स्पेन – डे गेया; ओड्रिओजोला, रामोस, पिके, अल्बा; बुस्केट्स, थियागो, इनिएस्टा; इस्को, सिल्भा, कोस्टा
पोर्चुगल – प्याट्रिसियो; सेद्रिक, पेपे, फोन्टे, गुरेरो, मोटिन्हो, कार्भाल्हो, फर्नान्डेस, सिल्भा; रोनाल्डो, गुएडेस

प्रत्यक्ष प्रसारण

नेपाल टेलिभिजन, कान्तिपुर, एक्सन स्पोर्ट्स, सोनी टेन २

समय

यस खेल नेपाली समय अनुसार रातिको ११.४५ बजे सुरु हुने छ ।

अनुमान

स्पेन २-१ पोर्चुगल

तपाईंको अनुमानमा यस खेलको नतिजा के रहने छ?