काठमाडौं (हाम्रो खेलकुद) – विश्वकप २०१८ हिजोदेखि सुरु भएको छ र समूह ‘ए’को पहिलो खेलमा आयोजक रुसले साउदी अरेबियालाई ५-० ले हराउन सफल भयो । आज समूह ‘ए’ को अर्को खेलमा इजिप्ट र उरुग्वे भिड्दै छन् ।

फिफा वरियतामा १४ औं स्थानमा रहेको उरुग्वे रक्षापंक्ति तथा अग्रपंक्ति दुवैमा बलियो रहेको छ । डियगो गोडिन र फर्नान्डो मुस्लेरा उरुग्वेको डिफेन्समा अनुभवी नाम हो । त्यस्तै लुइस स्वारेज र एडिन्सन काभानीसम्मिलित अग्रपंक्ति प्रतियोगिताकै आक्रामकमध्ये एक रहेको छ ।

इजिप्टको आशा भने उसका स्टार फरवार्ड मोहम्मद सालाह नै रहेका छन् । लिभरपुललाई च्याम्पियन्स लिग फाइनलसम्म पुर्‍याएका सालाह फाइनल खेलमा घाइते भए पनि आज खेल्ने अनुमान गरिएको छ ।

सम्भावित सुरुवाति ११

उरुग्वे – मुस्लेर, केसिरेस, गोडिन, गिमिनेज, भरेला, भेसिनो, बेन्टाकुर, आरासकाएटा, स्वारेज, काभानी
इजिप्ट – एल-हार्दि, फाथि, गाबर, शाफि, हामद, एल नेनि, साइद, सोभि, सालाह, मोहसेन

प्रत्यक्ष प्रसारण

नेपाल टेलिभिजन, कान्तिपुर, एक्सन स्पोर्ट्स, सोनि टेन २

समय

खेल नेपाली समयअनुसार ५.४५ मा सुरु हुने छ ।

अनुमान

उरुग्वे २-० इजिप्ट

यस खेलमा तपाईंको अनुमान के रहेको छ?