6 years ago
June 14, 2018
काठमाडौं (हाम्रो खेलकुद) – डोनोस्टि कप खेल्न जाने टिम रारा मुगुका यु–१४ टिमलाई ट्रयाकसुट हस्तान्तरण गरिएको छ । थ्री स्टार क्लबका पूर्व प्रशिक्षक प्रदीप हुमागाईंले उपलब्ध गराएको ट्रयाकसुट सांसद गगनकुमार थापा र एन्फा महिला फुटबल समितिका अध्यक्ष वृन्दा देवानले बिहिबार एक कार्यक्रमका बीच खेलाडीहरुलाई हस्तान्तरण गरे ।
स्पेनको सान सबास्टेनमा हुने ‘डोनोस्टि कप’मा प्रतिस्पर्धा गर्न किशोरीहरू २८ जुनमा त्यसतर्फ जाँदैछन् । प्रतियोगिता १ देखि ७ जुलाईसम्म हुनेछ । जहाँ नेपाली किशोरीले चार खेल खेल्ने टिम व्यवस्थापक प्रकाशकुमार शाहीले जानकारी गराए ।
फुटबल फेस्टिबलका रूपमा मनाइने उक्त प्रतियोगितामा ३३ देशका ६ सय ३० टिमहरुको सहभागिता रहनेछ । उक्त फेस्टिबलपछि टिमले विश्वप्रसिद्ध फुटबल क्लब बार्सिलोना र रियल म्याड्रिडको खेल मैदानको अवलोकन गर्ने टिम प्रशिक्षक भगवती रानामगरले जानकारी दिइन् ।
विकट ग्रामीण भेगका किशोरीहरूले मैदानको अभावमा हिउमै फुटबल खेलेको विषयलाई आधार बनाएर भोजराज भाटले २०१५ मा बनाएको ‘सुनाकली’ डकुमेन्ट्री तयार पारेको थियो । युरोपका विभिन्न फिल्म फेष्टिभलमा प्रदर्शन भएको सुनकलीले २३ भन्दा बढी अवार्ड जित्न सफल भएको थियो । यसलाई नै आधार बनाएर फिफाले ‘मिट द हिमालयन मेसी’ नामक १२ मिनेट लामो भिडियो नै सुट गरेपछि किशोरीले युरोपमा फुटबल सिक्ने मौका पाएको डकुमेन्ट्री निर्देशक भाटले बताए ।
फिफाको अभियानपछि डोनास्टिक कपको आयोजकले सुनकलीको टिमलाई स्पेनमा खेल्न निम्ता दिएपछि टिम तयार पारेर स्पेन जान लागिएको उनले बताए । माघमा छनोट खेल खेलाएर १ सय ३५ खेलाडीबाट १७ सदस्यीय टिम तयार पारिएको हो । मुगुको विकट गाउँका १४ वर्षमुनिका किशोरीको फुटबल टिमले खेल्ने मैदानसमेत नभएका हिमाली जिल्लाका किशोरिले आफ्नै संघर्षबाट अन्तर्राष्ट्रिय मैदानमा अनुभव सँगाल्ने मौका पाएका हुन् ।
स्पेन जाने टोली
१. हिमाली शाही
२. रितादेवी रोकाय (कप्तान)
३.पुष्पादेवी शाही
४.सत्यलक्ष्मी बुढा
५.राज्यलक्ष्मी बुढा
६.सुनमती बुढा
७.उर्मिला बढुवाल
८.सोचपुरा महतारा
९. विपना मल्ल
१०. स्वस्तिका मल्ल
११.रोशनी कामी
१२. सतमा बुढा
१३. रमादेवी बढुवाल
१४. भाग्य लक्ष्मी भाम
१५. यमुना चौगाईं
१६.संगिता थापा
१७.रामकली बोहरा
प्रशिक्षकः भगवती रानामगर
टिम व्यवस्थापकः प्रकाशकुमार शाही
टिम संयोजकः भोजराज भाट
अफिसियलः गोपल बहादुर बम र कृष्ण बहादुर सेजुवाल
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]