रियो दि जेनेरियो (एजेन्सी)– ब्राजिलियन विश्व कप विजेता टोलीका सदस्य रोर्बटो कालोर्सले यदि लियोनल मेस्सी ब्राजिलमा जन्मेको भए अहिले सम्म विश्व कप जितिसक्ने बताएका छन् । विश्व फुटबलकै अहिले सम्मका उत्कृष्ट खेलाडी मध्येका एकका रुपमा हेरिएका मेस्सीले क्लबमा सबै खाले उपलब्धी हासिल गरेपनि राष्ट्रिय टोलीबाट भने ठूलो उपाधि जितेका छैनन् ।

पटक पटक ठूलो सफलताको नजिक पुगेर पनि मेस्सी र उनको टोली असफल हुँदै आएको छ । सन् २०१४ को विश्व कप फाइनलपछि सहित तीन पटक अर्जेन्टिना उपाधि विमुख भएको थियो । ब्राजिलियन महान खेलाडीमध्येका एक कार्लोसले मेस्सी ब्राजिलमा जन्मेको भए सबै खाले उपाधि उनीसँग हुने बताएका छन् । कार्लोसले भने, ‘यदि मेस्सी ब्राजिलमा जन्मन्थे भने उनले विश्वकप जितिसकेका हुन्थे ।’

मेस्सीका विषयमा उनले विवादित बयान दिएको भन्दा पनि फुटबल समूहगत खेल भएको प्रष्ट पार्न खोजेका छन् । मेस्सीको क्षमतामाथिको प्रश्न भन्दा पनि भाग्यको साथ नरहेका कारण उनले अहिले सम्म विश्व कप उचाल्न नसकेको तर्क गर्ने पनि छन् ।

मेस्सीले पटक पटक ठूला अन्तर्राष्ट्रिय प्रतियोगिता टोलीलाई फाइनल सम्म पुर्याएपनि उपाधि जिन सकेका छ्रैनन् । अर्जेन्टिना पछिल्लो विश्व कपको फाइनल र त्यसपछि २०१५ र २०१६ मा कोपा अमेरिकाको फाइनलमा चिलिसँग पराजित भएको थियो ।

निकै उतार चढाव बेहोर्दै आएको अर्जेन्टिनाको यसपटकको विश्व कप छनोट पनि कठिन रहेको थियो । त्यहि प्रदर्शनका आधारणमा अर्जेन्टिना यसपटकको विश्व कपमा धेरै अगाडि जान नसक्ने अनुमान गर्नेहरु पनि छन् । यद्दपी, त्यति हुँदा हुँदै पनि मेस्सीको क्षमतामाथि भने कसैलाई शंका छैन । विगतमा जस्तै उनले पनि टोलीलाई उपाधि नजिकसम्म पुर्याए भने आश्चार्य हुने छैन ।