मस्को (एजेन्सी) – फुटबलको महाकुम्भ विश्वकप २०१८ आज रुसमा सुरु हुंदैछ । आजको ८.४५ मा सुरु हुने उद्घाटन खेलमा आयोजक रुस र साउदी अरेबिया भिड्दै छन् । आजको खेलमा हेर्न लायक दुई खेलाडी यी रहेका छन्:

फेडोर स्मोलोभ (रुस)

डिफेन्स र मिडफिल्डतिर धेरै खेलाडी घाइते रहेकाले रुसले बढी आक्रामक खेल खेल्ने अनुमान गरिएको छ । रुसका लागि अग्रपंक्तिको कमान सम्हालेका छन् २८-वर्षे फेडोर स्मोलोभ । कुनै बेला गोलको कमिका लागि आलोचित दुई स्मोलोभ दुई वर्षयता निकै लयमा छन् । रुसको घरेलु लिगमा एफसी क्रासनोडारबाट खेल्दै आएका स्मोलोभले अघिल्लो दुई सिजनमा ३२ गोल गरेका छन् । स्मोलोभले आफ्नो ३० राष्ट्रिय खेलमा १२ गोल पनि गरेका छन् – जसमध्ये गत नोभेम्बर स्पेअनविरुद्ध २ गोल पनि रहेको छ ।

अल-साहलावी (साउदी अरेबिया)

मोहम्मद अल-साहलावीले आफ्नो ३७ अन्तराष्ट्रिय खेलमा २८ गोल गरेका छन् । अल-साहलावीले म्यानचेस्टर युनाइटेडसंग प्रशिक्षण पनि गरिरहेका थिए । साउदी अरेबियाको छनौटमा उनले २ गोल र ३ असिस्ट गरेका थिए भने मैत्रीपूर्ण खेलहरुमा ३ गोल पनि गरेका छन् । जर्मनीविरुद्ध हालै खेलिएको मैत्रीपूर्ण खेलमा पनि उनको प्रदर्शन राम्रो रहेको थियो । पेनाल्टीबाट उनी त्यस खेलमा चुके थिए तर सो प्रहार लगत्तै साउदी गोल गर्न सफल भएको थियो । आज पनि उनको भुमिका निकै महत्त्वपूर्ण हुने छ ।