6 years ago
June 14, 2018
काठमाडौं (हाम्रो खेलकुद) – विश्वकप फुटबल खेल्नु कुनै पनि फुटबल खेलाडीका लागि सपना नै हुन्छ । तर खेल अथवा प्रशिक्षण दौरान आउने चोटले उनको त्यो सपनामा धक्का पनि लाग्न जान्छ । तर कोही भने चोटग्रस्त हुनुका बावजुद प्रतियोगिता खेल्न गइरहेका हुन्छन् :
बेस्टिन स्वेन्सटिगर – २०१४
बेस्टिन स्वेन्सटिगर सन् २०१४ को विश्वकपमा पुग्दा चोटिल थिए। उनमा घुंडाको समस्या रहेको थियो। जर्मनीले खेलेको सुरुवाती दुई खेलमा मिडफिल्डर स्वेन्सटिगरले बेन्चबाट नै खेल नियालेका थिए। उनको अनुपस्थितिमा फिलिप ल्याह्मलाई मिडफिल्डमा सारिएको थियो। तर घाना बिरुद्धको खेलबाट कम्ब्याक गरेका स्वेन्सटिगरले त्यसपछिका सबै खेल खेल्दै जर्मनी विश्व च्याम्पियन बन्दा त्यसको अभिन्न अंग रहेका थिए।
क्रिस्टियानो रोनाल्डो – २०१४
सन् २०१४ को विश्वकप सुरु हुन लाग्दा स्टार स्ट्राइकर क्रिस्टियानो रोनाल्डो घुंडाको चोटबाट बाहिरिएका थिए। उनले त्यसपछिका पोर्चुगलका दुई मैत्रीपूर्ण खेल समेत गुमाएका थिए। जर्मनी बिरुद्धको समुह चरणको खेलमा रोनाल्डो स्वस्थ भएर मैदान उत्रिएका थिए। तर समुह चरणमा घाना बिरुद्ध १ गोल मार गर्न सकेका रोनाल्डोले आफ्नो टोलि पोर्चुगललाई समुह चरणभन्दा माथि लैजान सकेनन्।
डिएगो कोस्टा – २०१४
सन् २०१४ को विश्वकप फुटबलमा डिएगो कोस्टाको सहभागिता बिबादमा रहेको थियो। च्याम्पियन लिग फाइनलमा ह्यामस्ट्रिन्गको समस्याबाट ग्रस्त बनेका कोस्टाले स्पेनको विश्वकप छनौट यात्रामा कुनैपनि खेल खेलेका थिएनन्। तर ब्राजिलबाट स्पेन गएका कोस्टाले स्पेनको टोलीबाट पहिलो दुई खेल खेल्दा धेरै ब्राजिल समर्थकले उनको बिरोध गरेका थिए।
डीडीएर ड्रोग्बा – २०१०
विश्वकप छनौट अन्तर्गत पांच खेलमा ६ गोल गरेका ड्रोग्बा, आइभरी कोस्टका मुख्य खेलाडी हुनेमा दुईमत नै थिएन। तर जापानसंगको मैत्रीपूर्ण खेलका क्रममा उनको हातमा समस्या आएपछि उनले त्यसको उपचार गराएका थिए। उनलाई हातमा रक्षात्मक कास्टको प्रयोग गर्न अनुमति प्राप्त भएसंगै उनले ब्राजिल बिरुद्धको खेलमा गोल समेत गरेका थिए।
आन्द्रे पिर्लो – २०१०
सन् २०१० को विश्वकप फुटबल अघिको मैत्रीपूर्ण खेलका क्रममा इटलीका आन्द्रे पिर्लो चोटिल भएका थिए। दक्षिण अफ्रिकामा सम्पन्न सो विश्वकप अन्तर्गत पिर्लोले इटालीको सुरुवाती दुई खेल गुमाएका थिए। पाराग्वे र न्युजील्याण्ड बिरुद्धको सो दुवै खेल बराबरीमा सकिएसंगै पिर्लोको पुनरागमन अझ महत्वपूर्ण भएका बखत स्लोभाकियासंग इटली ३-२ गोल अन्तरले पराजित भएको थियो।
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
