सुदूरमाथि फ्रेण्डसको साँघुरो जित

काठमाडौं (हाम्रो खेलकुद)– फ्रेण्डस् क्लब कुपन्डोलले तेस्रो ललित स्मृति यु–१८ फुटबल प्रतियोगितामा साँघुरो जितसहित विजयी सुरुवात गरेको छ । सातदोबाटोस्थित एन्फा कम्प्लेक्सको कृतिम खेल मैदानमा बुधबार भएको समूह ‘डी’ को दोस्रो खेलमा फ्रेण्डस्ले सुदूरपश्चिम फुटबल क्लबमाथि १–० को झिनो जित निकाल्दै विजयी सुरुवात गर्न सफल भएको हो ।

फ्रेण्डसको झिनो जितमा सन्देश न्यौपानेले गरेको एकमात्र गोल नै निर्णायक बन्यो । प्रतिस्पर्धात्मक बनेको खेलको १० औं मिनेटमा फ्रेण्डस्ले सन्देश न्यौपानेको गोलबाट अग्रता बनाएको थियो । अन्ततः त्यही गोल नै फ्रेण्डसको जितमा पर्याप्त बन्यो । दुवै टोलीले गोलको केही सुन्दर मौकाहरु खेर फालेको थियो ।

पहिलो जितसँगै फ्रेण्डस्ले दोस्रो चरण पुग्ने सम्भावना बलियो बनाएको छ । यही समूहको आजै भएको पहिलो खेलमा रुस्लान थ्री स्टार क्लबले लक्ष्मी हुन्डाई मनाङ मस्र्याङ्दी क्लबमाथि १–० कै झिनो अन्तरको निकालेको थियो । प्रतियोगिता अन्र्तगत बिहिबार लुम्बिनी फुटबल क्लब र त्रिभुवन आर्मी क्लब तथा दोस्रो खेलमा सरस्वती युवा क्लब र एनआरटीबीच प्रतिस्पर्धा हुनेछ ।