6 years ago
June 13, 2018
मस्को (हाम्रो खेलकुद) – पुर्व अस्ट्रेलियन फुटबलर ह्यारी केवेल अस्ट्रलियाले विश्वकप फुटबलमा लामो यात्रा तय गर्नेमा बिस्वस्त छैनन्। उनी विश्वकप फुटबलको फाइनलमा क्रिस्टियानो रोनाल्डोको पोर्चुगल र लियोनल मेस्सीको अर्जेन्टिना बीच प्रतिस्पर्धा भएको हेर्न इच्छुक रहेका छन्।
अर्जेन्टिना र पोर्चुगलको फाइनलमा भेटहुनका लागि भने अर्जेन्टिनाले समुह “डी” को बिजेता हुनु पर्नेछ भने पोर्चुगल समुह “बि” को उपविजेता हुनु पर्नेछ र दुवै टोलीले नकआउट चरणमा अन्य खेल जित्नु पर्ने देखिन्छ।
आइसल्याण्ड, क्रोएसिया र नाइजेरियासंगै समुह “डी” मा रहेको अर्जेन्टिनालाई समुह बिजेता हुन त्यति गाह्रो देखिंदैन। उता पोर्चुगल भने समुह “बि”मा स्पेन, मोरोक्को र इरानसंगै रहेकाले दोस्रो स्थान बनाउन सक्ने सम्भावना देखिन्छ।
रोनाल्डो र मेस्सी दुबैले विश्वकप फुटबलको उपाधि स्वाद चाख्न पाएका छैनन् र दुवै अर्जेन्टिना र पोर्चुगलको भेट समेत विश्वकप फुटबलमा भएको छैन। केवेल भन्छन्, “म अर्जेन्टिना र पोर्चुगलको फाइनल खेल हेर्न इच्छुक छु किनकि त्यो मेस्सी भर्सेस रोनाल्डो हुनेछ।“ केवेलले थपे, “मलाई लाग्छ त्यो एक परिक्षा हुनसक्छ जसले विश्वमा को उत्कृस्ट छन् भनेर प्रमाणित गर्नेछ। मलाई लाग्छ यो विश्वकपमा धेरै राम्रा खेलाडीहरु देखिनेछन्।“
सन् २०१४ को फिफा विश्वकप फाइनलमा मेस्सीको टोलि अर्जेन्टिनाले जर्मनी बिरुद्ध १-० को दुखदायी हार बेहोरेको थियो भने त्यसको केहि समयपछि कोपा अमेरिका फुटबलको फाइनलमा समेत हार बेहोरेको थियो।
यता रोनाल्डोले भने आफ्नो टोलि पोर्चुगलले सन् २०१६ मा युरोपियन च्याम्पियन बनेको देखेका थिए। तर त्यसअघि सम्पन्न विश्वकपमा भने पोर्चुगल समुह चरणबाट नै घर फर्किएको थियो।
अस्ट्रेलियाका लागि सन् २००६ को विश्वकपमा गोल गरेका केवेलले भने, “म आशा राख्दछु कि अस्ट्रेलिया समुह चरण पार गर्न सफल हुनेछ। मलाई थाहा छ मान्छेहरुले यसलाई धेरै ठुलो माग भन्नेछन तर अस्ट्रेलिया त्यस्तो समुहमा छ जहाँबाट हामी माथी आउन सक्छौं। म बुझ्छु कि हाम्रो पहिलो खुड्किलो नै फ्रान्स हो र त्यसपछि डेनमार्क हो तर हामीले यी दुई टोलीबाट केहि लिन सक्यौं भने पेरुको खेलबाट जस्तोसुकै नतिजा समेत आउन सक्छ।“
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]