काठमाडौं (हाम्रो खेलकुद) – युएईको नेपाली समुदायमा हालसम्म्कै सर्वाधिक राशिको फुटबल प्रतियोगिता एनआरएन युएई कप २०१८ को तयारी पुरा भएको बताइएको छ । आयोजक एनआरएनए युएई पदाधिकारी, एनआरएनए आइसीसी सदस्यहरु ठाकुरप्रसाद र मनोज गोर्खाली, नेपाल पत्रकार महासंघ युएई शाखाका अध्यक्ष भुपराज बस्याल र प्रतियोगिताका सहभागी टोलीको उपस्थितिमा खेल तालिका सार्वजनिक गरिएको थियो ।

इदको अवसरमा शुक्रबार दुबईमा हुने प्रतियोगिताको विजेताले ६ हजार ६ सय ६६ दिराम ९ करिब (२ लाख रुपैयाँ ) प्राप्त गर्नेछ । पहिलो खेलमा प्रतियोगितामा आयोजक एनआरएन युएई र नवलपरासी राइनो फुटबल क्लबबीच प्रतिस्पर्धा हुनेछ । त्यस्तै सुनुवार सेवा समाज र काष्ठमन्डप फुटबल क्लब तथा मेचीमहाकाली फुटबल क्लब र रुपन्देही ११ बीच प्रतिस्पर्धा हुनेछ ।

त्यस्तै राइजिङ स्टार फुटबल क्लब र नेपाली समुदाय युएई, गोर्खा समाजको हिमालयन फुटबल क्लब र ओल्ड मन्क फुटबल क्लब, नेपाली जनसम्पर्क समिति फुटबल क्लब र माउन्ट एभरेस्ट फुटबल क्लबबीच प्रतिस्पर्धा हुनेछ । नेपाली स्पोट्र्स क्लब राक र हिपेट फुटबल क्लब, युनाइटेड स्टार फुटबल क्लब र एनआरएन अबुधाबीको फुटबलले एकअर्काको सामना गरेका छन् ।

एनआरएन युएईको उद्दार कोषको सहयोगार्थ आयोजना हुने प्रतियोगितामा १६ टोलीको सहभागिता रहेको आयोजक समुहका मदन अधिकारीले बताएका छन् । नेपालमा विभिन्न चर्चित फुटबल क्लब खेलिसकेका खेलाडी अहिले श्रमको सिलसिला युएईमा कार्यरत छन्, ती खेलाडीको पनि सहभागिता रहने आयोजकले दाबी गरेका छन् ।दुबईको पेनाल्टी फुटबल मैदान सलाउदीन स्ट्रीटमा हुने प्रतियोगिताको दास्रो हुने टोलीले ३ हजार ३ सय ३सय ३३ दिराम (करिब १ लाख रुपैयाँ) प्राप्त गर्नेछ ।