6 years ago
June 12, 2018
मस्को (एजेन्सी)– इजिप्टको मेडिकल टोली लिभरपुलका स्टार मोहम्मद सलाह इजिप्टको उरुग्वेविरुद्ध हुने विश्व कपको पहिलो खेलमा खेल्ने नखेल्नेमा अझै निश्चित हुन सकेको छैन । इजिप्ट र उरुग्वेबीच शुक्रबार खेल हुनेछ ।
रियल म्याड्रिडविरुद्ध गत महिना भएको च्याम्पियन्स लिग फाइनलका दौरान सर्जियो रामोससँग ठोक्किएर सलाहको काँधमा चोट लागेको थियो ।सोमबार टोलीका अन्य खेलाडीसँगै सलाह प्रशिक्षणमा सामेल भएपनि उनी पहिलो खेलमा खेल्ने नखेल्ने टुंगो लागेको छैन । इजिप्ट फुटबल टोलीको मेनेजिङ डाइरेक्टर इहाब लिहिताले सलाहको अवस्थाका बारेमा हरेक दिन निरिक्षण गरेको बताएका छन् ।
‘हामीले च्याम्पियन्स लिगको फाइनलदेखि नै उनको चोटको अवस्था हेरिरहेका छौं । सलाहले कायरोमा पनि अभ्यास गरे । हिजो र आज पनि गरे,’ उनले भने, ‘हामीले सबै परिस्थितिलाई हेरिरहेका छौं । उनको काँधमा हरेक दिन उपचार भइरहेको छ । उनी इन्डो र जिममा पनि अभ्यास गरिरहेका छन् । आज भने उनले मैदानमा अभ्यास गरे । ‘
‘उनको चोटमा भने सुधार भइरहेको बताएका छन् । उनको चोटमा विस्तार सुधार भएको छ । तर आजै उनी पहिलो खेलमा खेल्छन् खेल्दैनन् पक्का गर्न सकिन्न,’ लिहिताले भने, ‘अहिले यति भन्न सकिन्छ उनले खेल्ने हामीले आशा राखेका छौं ।’
यदि उनले पहिलो खेल खेल्न सकेनन् भने पनि आयोजक रसियाविरुद्ध जुन १९ मा हुने खेलमा भने सलाह खेल्ने अपेक्षा गरिएको छ । त्यसको छ दिनपछि इजिप्टले साउदी अरेबियाको सामना गर्नेछ ।
September 20, 2024
काठमाडौं (हाम्रो खेलकुद) – एन्फा महिला लिगमा अपराजित रुपमा शीर्ष स्थानमा रहेको विभागीय टोली नेपाल एपिएफ क्लबले कोशी प्रदेशसँग खेल्दैछ । लिगमा शुक्रवार हुने २ खेलको पहिलो खेलमा एपिएफ कोशीसँग खेल्दैछ । एन्फा कम्प्लेक्स सातदोबाटोमा खेल दिउँसो १२ः३० बजे सुरु हुनेछ । एपिएफ ६ खेलमा १६ अंकका साथ लिगको शीर्ष स्थानमा छ । कोशीलाई हराउँदै […]
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
