6 years ago
June 11, 2018
पेरिस (एजेन्सी)– रियल म्याड्रिडलाई लगातार तेस्रो पटक च्याम्पियन्स लिग उपाधि दिलाएको केहि दिनमै फ्रान्सेली पूर्व स्टार जिनेदिन जिदानको अबको यात्रा निश्चित भइसकेको छैन । एउटा सफल यात्राको अन्त्यसँगै नयाँ यात्राको टुंगो नभएपनि उनले फुर्सदको समय परिवारसँग बिताइरहेका छन् ।
उनी आइतबार श्रीमती भेरोनिक्वोसँग फ्रेन्च ओपनको फाइनल हेर्न पुगेका थिए । फ्रेन्च ओपनको फाइनलमा राफाल नाडालले डोमिनिक थिमलाई पराजित गरेका थिए । त्यो नाडालको ११ औं फेन्च ओपन उपाधि हो । जिदानका साथमा श्रीमतीसँगै छोराहरु लुका र एन्जोपनि थिए ।
सन् १९९८ मा विश्व कप जित्दा जिदानसँगै टोलीमा रहेका बोल्टन वान्डेरर्सका पूर्व स्टार योरी डिजोकाफसँपनि फाइनल हेर्न पुगेका थिए । प्रशिक्षकका रुपमा जिदानले रियललाई तेस्रो पटक च्याम्पियन्स लिग उपाधि दिलाएका थिए । मे २६ मा भएको फाइनलमा लिभरपुललाई हराएको केहि दिनमै जिदानले क्लब छाड्ने निर्णय लिएका थिए ।
रियलले अझै नयाँ प्रशिक्षक नियुक्त गरेको छैन । क्लबका पूर्व मिडफिल्डर गुटी नयाँ प्रशिक्षक बन्ने सम्भावना बलियो रहेको बताइएको छ ।
प्रशिक्षण जीवनको सुरुवात गर्दा जिदान सफल हुनेमा धेरैको शंका थियो । तर, झन्डै अढाई बर्ष रियल सम्हालेर निस्कदा उनको परिचयनै बदलिएको छ ।
४५ वर्षे जिदान खेलाडीका रुपमा रियलमा जति सफल थिए, उनी प्रशिक्षणमा पनि त्यति नै सफल रहे । रियलको सिनियर टोलीलाई २०१६ बाट हेर्नुअघि उनले क्लबको ‘बी’ टोलीलाई प्रशिक्षण दिएका थिए । तीन च्याम्पियन्स लिग उपाधिसहित जिदानले २०१७ मा रियललाई ला लिगा च्याम्पियन पनि बनाएका थिए ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]