एपिएफ लालबन्दी गोल्डकपको सेमिफाइनलमा

सर्लाही (हाम्र खेलकुद) – नेपाल एपिएफ क्लब लालबन्दी गोल्डकप फुटबल प्रतियोगिताको सेमिफाइनलमा प्रवेश गरेको छ । हेटौडाको विजय युथ क्लबलाई २–० ले हराउँदै विभागिय टोली अन्तिम चारमा पुगेको हो । एपिएफलाई जित दिलाउन रुपबहादुर लामा र प्रविण स्याङ्तानले गोल गरेका थिए ।

लालबन्दीको राधाकृष्ण खेल मैदानमा भएको खेलको १० औं मिनेटमा रुपबहादुरले गोल गर्दै एपिएफलाई अघि बढाए । पेनाल्टी बक्स बाहिर प्राप्त बलमा रुपबहादुरले गोल गरेका हुन् । त्यसको केहि समयमै पाएका दुई वटा मौका लागि विजय युथका अमिर श्रेष्ठले खेर फाल्दा बराबरकिो मौका गुमेको थियो ।

एपिएफ ५७ औं मिनेटमा प्रविणले गोल थपेपछि एपिएफ खेलमा थप मजबुद बनेको थियो । विजय युथले दोस्रो हाफमा पनि गोल फर्काउने अवसर पाएको थियो । तर गोल गर्न असफल भएपछि टोली पहिलो खेलबाटै बाहिरिएको छ ।

एपिएफ भने भारतको सिक्किम युनाइटेडलाई हराउँदै क्वार्टरफाइनल पुगेको थियो । एपिएफले अब कास्की ११ र रुस्लान थ्री स्टार क्लबबीचको विजेतासँग सेमिफाइनल खेल्नेछ । एपिएफका प्रविण खेलको म्यान अफ दी म्याच घोषित भए र उनलाई आयोजकका नन्दुर खुरानाले ५ हजार रुपैयाँ प्रदान गरे ।

लालबन्दी गोल्डकपमा सोमबारको तेस्रो क्वार्टरफाइनल
नेपाल पुलिसविरुद्ध गोर्खा ब्वाइज रुपन्देही