लाली रुपन्देहीलाई नेपालगन्ज गोल्डकप

नेपालगञ्ज (हाम्रो खेलकुद) – लाली रुपन्देही ११ ले तेस्रो नेपालगञ्ज गोल्डकप फुटबल प्रतियोगिताकाके उपाधि जितेको छ । बाँकेको खजुरा डिगाँउमा शनिबार भएको फाइनलमा सिएमजी क्लब संकटालाई १–० ले हराउँदै रुपन्देहीले उपाधि जितेको हो ।

प्रचण्ड गर्मीका बीच उपाधिका लागि रोमाञ्चक प्रतिस्पर्धा भएको थियो । खेलको ५३औं मिनेटमा रुपन्देहीका लागि जोन ग्लोरीले गरेको गोल नै खेलको निर्णायक बन्यो ।
उपाधिसँगै रुपन्देहीले ५ लाख रुपैया र संकटाले २ लाख ५० हजार रुपैयाँ पुरस्कार प्राप्त गर्यो ।

रुपन्देहीका कप्तान दीपक गुरुङ प्रतियोगिताको सवोत्कृष्ट खेलाडी घोषित भए र उनले मोटरसाइलक प्राप्त गरे । रुपन्देहीका राजुबाबु मगर उत्कृष्ट गोलकिपर ,रुपन्देहीकै युद्ध शाही उत्कृष्ट रक्षक , संकटाका सौजन राई उत्कृष्ट मिडफिल्डर र संकटाकै शान्त गुरुङ उत्कृष्ट फरवार्ड घोषित भए । उत्कृष्ट सबैले समान १० हजार रुपैयाँ प्राप्त गरे ।