6 years ago
June 9, 2018
सिमरा (हाम्रो खेलकुद) – वडा नम्बर १४ लाई पराजित गर्दै वडा नम्बर ५ सिमरामा जारी प्रथम मेयर कप फुटबल प्रतियोगिताको अन्तिम आठमा प्रवेश गरेको छ । सिमरा रंगशालामा शनिबार भएको खेलमा वडा नं. १४ माथी ३–० को जित निकाल्दै वडा नंं ५ ले क्वार्टरफाईनलको यात्रा तय गरेको हो । वडा नं. ५ को जितमा कृपा चौधरी, रामोध्याय चौधरी र श्रीराम चौधरीले गोल गरे ।
प्रतिस्पर्धात्मक खेलको पहिलो हाफमा दुवै टिमले कुनै गोल गर्न सकेनन् । दुवै टिमले पहिलो हाफमा सिर्जना गरेको थुप्र्रै अवसर खेल फालेका थिए । वडा नं. ५ ले तीन गोल नै दोस्रो हाफमा गरेको थियो । दोस्रो हाफमा आक्रामक खेल प्रदर्शन गरेको वडा नं. ५ का लागि ५३ औं मिनेटमा कृपा चौधरीले अग्रता दिलाएका थिए । वडा नं. १४ को रक्षापंक्ती सम्हालिन नसक्दा कृपाले हेडमार्फत गोल गरे ।
खेलमा अग्रता लिएपछि वडा नं. १४ लाई दवावमा राखेको वडा नं. ५ ले ६४औं मिनेटमा दोस्रो गोल गरेको थियो । रामोध्याय चौधरीले गोल गर्दै खेल २–० को स्थितीमा पु¥याएका थिए । निर्धारित ७० मिनेटको खेलको अन्तिम समयमा वडा नं. ५ ले तेस्रो गोल थपेको थियो । अस्मित चौधरीको पासलाई सदुपयोग गर्दै कप्तान श्रीराम चौधरीले गोल गर्दै टिमलाई ३–० को जित दिलाए ।
कप्तान चौधरी खेलको म्यान अफ दि म्याच घोषित भए । उनलाई वडा नं. ५ का अध्यक्ष मोहित चौधरी र वडा नं. १४ का अध्यक्ष रामशरण बर्तौलाले म्यान अफ दि म्याच प्रदान गरेका थिए । प्रतियोगितामा वडा नं. ५ को यो दोस्रो जीत हो । यसअघि पहिलो खेलमा वडा नं. ५ ले वडा नं. ९ लाई पराजित गरेको थियो । वडा नं. १४ ले भने वडा नं. १७ लाई पराजित गरेको थियो ।
प्रतियोगिता अन्तर्गत आईतवार वडा नं. ४ र वडा नं. १२ बीच खेल हुनेछ । जीतपुरसिमरा उपमहानगरपालिकाको सहयोगमा सामुदायिक बिकासशील क्लबले आयोजना गरेको प्रतियोगिताको विजेताले ५० हजार र उपविजेताले २५ हजार रुपैयाँ प्राप्त गर्नेछ ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]