सिमरा (हाम्रो खेलकुद) –वडा नं. २२ लाई हराउदै वडा नं. ७ सिमरामा जारी प्रथम मेयर कप फुटबल प्रतियोगिताको क्वाटरफाईनलमा प्रवेश गरेको छ । सिमरा रंगशालामा शुक्रबार भएको खेलमा वडा नं. २२ लाई १–० ले पराजित गर्दै वडा नं. ७ ले अन्तिम आठमा स्थान सुरक्षित गरेको हो । वडा नं. ७ को जितमा समर खड्का नायक बने ।

प्रतिस्पर्धात्मक खेलको पहिलो हाफमा दुबै टिमले गोल गर्न सकेनन् । आफ्नो पहिलो खेलमा वडा नं. १६ लाई पन्छाउदै प्रिक्वार्टरमा प्रवेश गरेको २२ ले खेलमा केही राम्रा अवसर सिर्जना गरेको थियो । पहिलो खेलको तुलनामा सुधारिएको प्रदर्शन गरेको वडा नं. ७ ले वडा नं. २२ को अधिकांश प्रयास असफल तुल्यायो ।
पहिलो खेलमा वडा नं. २४ लाई पराजित गर्दै प्रिक्वार्टरमा प्रवेश गरेको वडा नं. ७ ले हेर्नलायक प्रदर्शन ग¥यो । दोस्रो हाफमा केही उत्कृष्ट अवसर खेल फालेको वडा नं. ७ ले गोलका लागि ६२औं मिनेटसम्म संघर्ष गर्नु¥यो । वडा नं. २२ को रक्षापंक्ती अल्मलिन पुग्दा समर खड्काको प्रहार गोलमा परिणत हुन पुग्यो ।
खड्का खेलको म्यान अफ दि म्याच घोषित भए । उनलाई भेट्रान क्लब सिमराका संयोजक समिर आले, सामुदायिक बिकासशील क्लबका अध्यक्ष दिपक भट्टराई र त्रिलोक ठकुरीले ट्रफि वितरण गरेका थिए ।
प्रतियोगिता अन्तर्गत शनिवार वडा नं. ५ र वडा नं. १४ बीच खेल हुनेछ । वडा नं. ५ ले आफ्नो पहिलो खेलमा वडा नं. ९ लाई पराजित गरेको थियो भने वडा नं. १४ ले पहिलो खेलमा वडा नं. १७ लाई पन्छाएको थियो ।
जीतपुरसिमरा उपमहानगरपालिकाको सहयोगमा सामुदायिक बिकासशील क्लबको आयोजनामा जारी प्रतियोगिताको विजेताले ५० हजार र दोस्रो हुने टोलीले २५ हजार रुपैयाँ प्राप्त गर्नेछ । प्रतियोगितामा उपमहानगरको २४ टिम सहभागी छन् । प्रतियोगिताको फाइनल असार २ गते हुनेछ ।