बार्सिलोना (एजेन्सी)– बार्सिलोनामा रहँदा ब्राजिलियन नेयमार र अर्जेन्टाइन सुपर स्टार लियोन मेस्सीबीच राम्रो सम्बन्ध थियो । ४ सिजनसँगै बिताएपनि यो सिजनको सुरुवातमा नेयमार पेरिस सेन्ट जर्मेन (पिएसजी) पुगेका थिए । कतिपयले मेस्सीकै छायाँबाट मुक्त हुन नेयमार पिएसजी पुगेको अनुमान गरेका थिए ।

तर, पिएसजी पुगेको केहि महिना नवित्दै नेयमार पुनः स्पेन फर्कने चर्चा सुरु भएको थियो । यद्दपी स्पेन फर्कदा उनी बार्सिलोनाका लागि नभई चिर प्रतिद्धन्द्धी क्लब रियल म्याड्रिड रोज्न सक्ने अनुमान गरिएको छ ।

पुन नेयमारसँगै खेल्ने सम्भवानाका विषयमा सोधिएको एक प्रश्नमा मेस्सीले भने, ”व्यक्तिगत रुपमा उनी बार्सिलोना फर्के भने मलाई खुसी लाग्छ । उनी असाधारण खेलाडी हुन् । उनी फर्के भने त्यो हाम्रा लागि उत्कृष्ट क्षण हुनेछ ।”

तर, तथ्यलाई मान्ने हो भने उनी फर्कने सम्भावना कम रहेको मेस्सीले बताए । उनले भने, ”तर, पनि उनी फर्किए भने साच्चै सुखद हुनेछ । म खुसी हुनेछु । रियलमा जाने विकल्पका विषयमा सोधिएको प्रश्नमा मेस्सीको जवाफ थियो, यदि उनी रियल गए भने साच्चै भनौं त्यो पटक्कै राम्रो लाग्ने छैन ।”

नेयमार र मेस्सी यति बेला विश्व कप तयारीमा जुटेका छन् । चोट मुक्त भएर फर्केका नेयमार र लयमा रहेका मेस्सीबाट विश्व कपमा उच्च प्रदर्शनको अपेक्षा गरिएको छ ।