6 years ago
June 8, 2018
लालबन्दी (हाम्रो खेलकुद)– ए डिभिजन टोली जावलाखेल युथ क्लब बिहिबार सुरु भएको लालबन्दी गोल्ड कप फुटबल प्रतियोगिताको क्वार्टरफाइनलमा पुगेको छ । सर्लाही ११ लाई टाइब्रेकरमा ५–४ ले हराउँदै जावलाखेल अन्तिम आठमा पुगेको हो । जावलाखेलले शनिबार हुने क्वार्टरफाइनलमा रमपम झापा ११ को सामना गर्नेछ ।
निर्धारित समय १–१ को बराबरीमा टुंगिएपछि टाइब्रेकरमा जावलाखेलले बाजी मारेको थियो । राधाकृष्ण खेल मैदान लालबन्दीमा भएको खेलमा लिएको अग्रतालाई जोगाउन नसकेपछि सर्लाली पहिलो खेलबाट बाहिरिएिको छ । ३२ औं मिनेटमा सन्नी चौधरीको गोलबाट सर्लाहीले अग्रता बनाएको थियो । तर त्यसको ६ मिनेट पछिले सोलोले गोल गर्दै खेललाई बराबरीमा ल्याएका थिए ।
खेलमा पहिलो गोल गरेका सर्लाहीका सन्नी पेनाल्टीमा भने गोल गर्नबाट चुकेका थिए । टोलकिा लागि अन्य खेलाडी विजय घलान, सुन्दर लामा, सागर लामा र गोपाल मगरले गोल गरे । जावलाखेलका लागि भिक्टोर, प्रज्वल थापा, लावल, जनक कार्की र सोलोले गोल गरे ।
सर्लाही जिल्ला फुटबल संघ र लालबन्दी नगरपालिकाले संयुक्त रुपमा आयोजना गरेको प्रतियोगिताको विजेता टोलीले ७ लाख र दोस्रो हुने टोलीले ३ लाख ५० हजार रुपैयाँ प्राप्त गर्नेछ । उदयमान खेलाडीले मोटरसाइकल पाउने प्रतियोगिताको सर्वोत्कृष्ट खेलाडीले ५० हजार रुपैयाँ प्राप्त गर्नेछन् ।
त्यस्तै प्रतियोगिताका उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान १५ हजार तथा प्रत्येक खेलको म्यान अफ दी म्याचले ५ हजार रुपैयाँ प्राप्त गर्नेछन् । असार २ गते सम्म चल्ने प्रतियोगितामा १० टोलीको सहभागिता रहेको छ । अखिल नेपाल फुटबल संघका अध्यक्ष कर्मा छिरिङ शेर्पाले प्रतियोगिताको उद्घाटन गरेका थिए ।
लालबन्दी गोल्ड कपमा शुक्रबारको खेल
युनाइटेड सिक्किम भारतविरुद्ध एपिएफ
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]