विश्व फुटबलको कुम्भमेला विश्वकप फुटबल रसियामा सुरु हुन अब साता दिन पनि बाँकी छैन । विश्व फुटबलको सर्वाेच्च निकाय (फिफा) को २ सय ४ सदस्य राष्ट्रमध्ये ३२ टोलीले रसिया विश्वकपमा टिकट काट्न सफल भएका थिए । यीनै ३२ टोलीबीच रसियाको विभिन्न ११ शहरको १२ रंगशालामा प्रतिस्पर्धा हुँदैछ । फुटबलमा राम्रो खेल्ने टोलीले मात्रै ज्तिछ भन्ने छैन । कहिलकाही अप्रत्यासित नतिजा निस्किरहेको हुन्छ । हामीले २० औं संस्करण सकिदासम्मका १० अप्रत्यासित नतिजालाई यहाँ केलाउने प्रयास गरेका छौं ।

१०. पोर्चुगल ५–३ दक्षिण कोरिया (१९६६)
सन् १९६६ मा इङ्ल्याण्ड घरले मैदानमा विश्वकपको उपाधि रक्षा गर्न सफल भयो । फाइनलमा घरेलु टोलीले पश्चिम जर्मनीलाई ४–२ ले पराजित गरेको थियो । तर त्यो यस विश्वकपमा पोर्चुगल र दक्षिण कोरियाबीचको खेल अप्रत्यासित बनेको थियो । पोर्चुगल त्यतिबेला युसिवो जस्ता विश्वस्तरीय खेलाडीको साथमा उत्रिएको थियो । उत्कृष्ट खेलाडीहरुको साथ रहेको पोर्चुगलको यसै विश्वकपमा डेब्यु गरेका दक्षिण कोरियासँग क्वार्टरफाइनलमा भेट भएको थियो ।

खेल निकै नै अप्रत्यासित बन्न पुग्यो । खेलको २५ मिनेट भित्र नै पोर्चुगल कोरियासँग ३–० ले पछि प¥यो । ३–० ले पछि परेपछि खेलमा फर्कन निक्कै गाह्रो हुने अनुमान गर्न सकिन्छ । तर, हार नमानेको पोर्चुगलले उत्कृष्ट पुनरागमन गर्दै खेल ५–३ ले आफ्नो पक्षमा पार्न सफल भयो । उक्त खेलमा युसिवोले ४ गोल गरेका थिए ।सेमिफाइनलमा भने पोर्चुगल इंग्ल्याण्डसँग २–१ ले पराजित भएको थियो ।

९. उरुग्वे २–१ ब्राजिल (१९५०)
सन् १९५० को विश्व कपमा आयोजक राष्ट्र ब्राजिललाई निकै बलियो टोली मानिएको थियो । ब्राजिललाई त्यो बखत हार्न नजानेको टोलीका रुप लिइन्थ्यो । जिजिन्हो र एडिमिर जस्ता नाम चलेका खेलाडी रहेको ब्राजिली टोलीलाई निकै सशक्त बनाएको थियो । घरमै आयोजना विश्व कप जित्नेमा ब्राजिली समर्थक ढुक्क थिए । त्यतिबेलाका स्टार खेलाडी जिजिन्होले फाइनल खेल अघि अबको विश्व च्याम्पियन ब्राजिल भनेका थिए । नभन्दै ब्राजिल फाइनलमा पुग्न सफल भयो ।

माराकाना रंगशालामा २ लाख भन्दा बढी ब्राजिली समर्थक आफ्नो देशले उपाधि उचालेको क्षण हेर्न ओइरिए । खेलमा ब्राजिलले अल्विनो फ्राइकाको गोलबाट सुरुवाती अग्रता बनायो । १–१ गोलको बराबरीको अवस्थामा उरुग्वेका जिजियाले निर्णायक गोल गर्दा ब्राजिली समर्थक स्तब्ध बन्न पुगेका थिए । ब्राजिलको यो हारले ब्राजिलमा मात्र नभई विश्व फुटबलमा नै तरङ्ग पैदा हुन पुग्यो ।

८.अर्जेन्टिना २–१ इङ्ल्याण्ड (१९८६)
इङ्ल्याण्ड यो विश्वकपलाई भुल्न चाहन्छ । कारण समूह चरणमा फितलो प्रदर्शन अनि डिएगो म्यारोडोनाको हाते गोलले इङ्ल्यान्ड क्वार्टरफाइलबाटै बाहिरिनु परेको थियो । । समूह चरण जस्तो सुकै भएपनि इङल्याण्डले त्यतिबेला विश्वकप जित्ने अनुमान गरिएको थियो । राजनैतिक द्धन्द्ध चलिरहँदा क्वार्टरफाइनलमा अर्जेन्टिनासँग डिएगो म्यारोडोना र इङ्ल्याण्डमा ग्यारी लिनेकार जस्ता विश्वस्तरका दुई स्ट्राइकर आमनेसामने भएका थिए ।

इङ्ल्याण्डविरुद्ध म्यारोडोनाले गरेको पहिलो गोल निक्कै चर्चित छ । म्यारोडोना आफ्नो हातले गरेको उक्त गोललाई ‘ह्याण्ड अफ गर्ड’ को संज्ञा दिन्छन् । अर्जेन्टिनाले उक्त वर्ष जर्मनीलाई पराजित गर्दै विश्वकप जितेपनि जित भन्दा म्यारोडोनाको त्यही गोल नै बढी चर्चित भएको थियो ।

७. स्वीडेन २–५ ब्राजिल (१९५८)
सन् १९५० मा उरुग्वेसँग बेहोरेको अप्रत्यासित हारलाई बिर्सदै ब्राजिलले ८ वर्षपछि विश्वकप उपाधि जित्न सफल भयो । यही विश्वकपबाट ब्राजिलमा पेलेको उदय भयो ।
घरेलु भुमिमा स्वीडेनलाई च्याम्पियन बन्नबाट रोक्न ब्राजिलका १७ वर्षीय पेलेले महत्वपूर्ण योगदान दिए । त्यअघि पेलेले फ्रान्सविरुद्ध ह्याट्रिक, वेल्सविरुद्ध पनि गोल गरेपनि उनले फाइनलमा पहिलो रोजाइमा अवसर पाए ।

उनले फाइनलमा पनि २ गोल गर्दै नयाँ स्टारको रुपमा आफुलाई उभ्याए । खेलमा सुरुवाती अग्रता स्वीडेनले नै लिएको थियो । तर, युवा स्टार पेले र भाभा रहेको ब्राजिलले उत्कृष्ट खेल पस्कदै पहिलो विश्वकप जित्न सफल भयो । १७ वर्षीय पेलेले तहल्का मच्चाएको यो विश्वकप सम्झनायोग्य बनेको छ ।

६. ब्राजिल १–० इङ्ल्याण्ड (१९७०)
सन् १९७० को विश्व च्याम्पियन बन्दै ब्राजिल सर्वाधिक विश्वकप जित्ने पहिलो टोली बन्यो । सन् १९५८ मा पहिलो विश्वकप जितेको ब्राजिलले दोस्रोपटक सन् १९६२ मा विश्वकप जित्न सफल भएको थियो । पेलेको उदयपछि ब्राजिलले विश्व फुटबलमा तहल्का नै मच्चाउन सफल भयो । समूह चरणमा अघिल्लो विश्व विजेता तथा उपाधिको दाबेदार इङ्ल्याण्डलाई १–० ले पराजित सो खेल खेल उक्त विश्वकपको ‘रियल फाइनल’ बनेको थियो ।

प्रतिस्पर्धात्मक र रोमाञ्चक बनेको खेलमा इङ्ल्याण्डको चुनौती जर्जिन्होले तोडेको थियो । पेले र जर्जिन्होलाई इङ्ल्याण्डका कप्तान बोबी मोरीले चल्न दिएका थिएनन् । अन्ततः जर्जिन्होले इंग्ल्याण्डको डेडलक तोड्न सफल भए । आफ्नो खेल करियरको अन्त्यतिर रहेका महान खेलाडी पेलेको प्रेरणामा रहेको ब्राजिलले फाइनलमा इटालीलाई ४–१ को फराकिलो अन्तरले पराजित गर्दै च्याम्पियन बन्यो ।

५. पश्चिम जर्मनी ३–३ फ्रान्स (१९८२)
यस विश्वकपमा इटाली च्याम्पियन बन्न सफल भयो । इटालीको यो तेस्रो विश्वकप उपाधि हो । यसअघि इटाली सन् १९३४ र ३८ मा विश्वकप जित्न सफल भएको थियो । इटालीले फाइनलमा जर्मनीलाई ३–१ ले पराजित गरेर च्याम्पियन बनेपनि यो विश्वकपमा जर्मनी र फ्रान्सबीचको सेमिफाइनलको खेल निकै रोचक बनेको थियो । दुवै टोलीले निर्धारित समयमा १–१ गोलको बराबरी खेल्दा खेल अतिरिक्त समयमा धकेलिएको थियो ।

अतिरिक्त समयको आठ मिनेटभित्र फ्रान्सले २ गोल गरेपछि फ्रान्स ३–१ ले अघि बढेको थियो । नाटकीय बनेको खेलमा त्यसपछि भने जर्मनीले लगातार २ गाल गर्दै खेललाई ३–३ गोलको बराबरीमा ल्याएपछि खेल पेनाल्टी सुटआउटमा धकेलिएको थियो । रोचक बनेको पेनाल्टी सुटआउटमा जर्मनीले ५–४ ले बाजी मार्दै फाइनलमा स्थान बनाउन सफल भयो । पेनाल्टीमा फ्रान्सका सिक्स र बोसिसले गोल गर्न सकेनन् । जर्मनीका स्टिलाइक चुकेका थिए । निर्धारित समयको खेलमा विपक्षीको प्रहार बचाउने क्रममा जर्मनीका गोलरक्षक हराड स्कुमाचरको दुईवटा दाँत नै झरेको थियो । उनी आधा घण्टासम्म बेहोसी अवस्थामा रहेका थिए ।

४. ब्राजिल १–७ जर्मनी (२०१४)
ब्राजिलले दोस्रोपटक विश्वकपको आयोजना सन् २०१४ मा गरेको थियो । घरमै विश्वकपको उपाधि जित्ने अभियानमा रहेको ब्राजिललाई क्वार्टरफाइनल खेलमा धक्का लाग्यो आफ्नो स्टार खेलाडी नेयमारलाई गुमाएर । कोलम्वियाविरुद्धको खेलमा नेयमारको ढाँडमा चोट लागेको थियो । आफ्नो स्टार खेलाडीलाई गुमाएपनि ब्राजिल संयमित हुदै सेमिफाइनलमा जर्मनीसँग उत्रियो । उक्त खेल ब्राजिलले अप्रत्यासित रुपमा ७–१ ले गुमाउदा ब्राजिली समर्थकको आशु थामिएन ।

घाइते नेयमार र थियागो सिल्भाको अनुपस्थितिमा कप्तानी सम्हालेका डेभिड लुइसको हारपछि आशु थामिएन । नेयमार चोटग्रस्त हुनु अनि घरमै जर्मनीसँगको ७–१ को हार बेहोर्नु कुन समर्थकको लागि सहज होला र ? ब्राजिलले यस्तै नियति बेहो¥यो । सन् १९५० मा माराकानामा उरुग्वेसँग २–१ को अप्रत्यासित नतिजा बिर्सिरहेको ब्राजिललाई यो नतिजाले झस्काएको थियो ।

खेलको २९ मिनेट भित्र नै ब्राजिल ५–० ले पछि परेको थियो । प्रत्यक्ष प्रसारणमा रिप्ले देखाएको जस्तै ब्राजिलले लगतार गोल खाइरहँदा समर्थकहरु पत्याउनै मुस्किलमा थिए । त्यसपछि ब्राजिलले थप २ गोल खादा एक गोल फर्काउन सफल भयो । ब्राजिलका लागि ओस्करले सान्त्वना गोल गरे । यही विश्वकपबाट जर्मनीका मिरोस्लाभ क्लोज सर्वाधिक १६ गोलसहित विश्वकपको सर्वाधिक गोलकर्ता बने । उनले ब्रााजिल विरुद्धको खेलमा एक गोल गरेका थिए ।

३. इंग्ल्याण्ड ४–२ पश्चिम जर्मनी (१९६६)
इंग्लिस फुटबल यो विश्वकपलाई कहिल्यै भुल्न चहादैनन् । कारण इङ्ल्याण्डले घरमै विश्वकपको उपाधि राख्न सफल भएको थियो । विश्वकपको उपाधि जितेपछि वेम्वली स्टेडियममा हस्र्ट पिटर्स (हस्र्ट हस्र्ट) नारा गुन्जयमान भएको थियो । त्यतिबेला जियोफ हस्र्ट र पिटर्स विश्व फुटबलमा चर्चित थिए । उनै हस्र्टको ह्याट्रिक मद्दतमा इङ्ल्याण्डले जर्मनीलाई अतिरिक्त समयमा ४–२ ले पराजित गर्न सफल भएको थियो । घरेलु टोली १२ औं मिनेटमा पछि परेको थियो ।

हस्र्टले गोल गरेपछि खेल १–१ गालको बराबरीमा पुगेको थियो । ७८ औं मिनेटमा पिटर्सले गोल गरेपछि इङ्ल्याण्ड ानिर्धारित समयमै उपाधि नजिक पुगेको थियो । तर, खेल सकिन १ मिनेट बाँकी रहँदा वेवरले गोल गरेपछि खेल अतिरिक्त समयमा धकेलियो । अतिरिक्त समयमा दुवै गोल हस्र्टको नाममा रह्यो । हस्र्टको विवादित दोस्रो गोल प्रश्न योग्य नै रहने गर्दछन् । फुटबलका कमेन्टेटर केन्नेथ वोल्सटेनहोल्मेले यो फाइनल खेललाई व्याख्या गर्दै भनेका थिए । ‘म यही बस्न चहान्छु, किन कि यहाँ हस्र्ट छ । उनले एक खेलमा तीन गोल गरेका छन् । फाइनलमा मात्रा ४ गोल ।’

२. इटाली ३–२ ब्राजिल (१९८२)
सन् १९८२ मा इटाली र ब्राजिलबीचको त्यो खेल न त फाइनल थियो, न त सेमिफाइनल न त क्वार्टरफाइनल न त प्रि–क्वार्टरफाइनल । दुई शक्तिशाली टोली इटाली र ब्राजिलबीचको यो खेल समुह चरणको दोस्रो चरणको थियो । दुई शक्तिशाली राष्ट्रबीचको यो खेल ‘आक्रमण र डिफेन्स’ को खेल बनेको थियो । दुवै टोलीलाई नकआउट चरण पुग्न यो खेल जित्नै पर्ने दबावमा थियो ।

सुरुवाती समूह चरणका ब्राजिल शतप्रतिशत जित निकालेर दोस्रो चरणका स्थान बनाउदा इटाली तीनै खेलमा बराबरीमा रोकिदै दोस्रो चरणमा प्रवेश गरेको थियो । रोसीको गोलबाट इटालीले अग्रता बनाएको थियो । सोक्रेटेसले बराबरी गोल फर्काउदा रोसीले फेरि गोल गर्दै अन्तर बढाएका थिए । फल्काओले फेरि बराबरी गर्दा रोसीले ह्याट्रिक गोल गर्दै ब्राजिलर्ला स्तब्ध बनायो । अन्तत यो विश्वकप इटालीले पश्चिम जर्मनीलाई पराजित गर्दै च्याम्पियन बन्न सफल भएको थियो ।

१. इटाली ४–३ पश्चिम जर्मनी
त्यो विश्वकपमा ब्राजिल च्याम्पियन बन्न सफल भयो । ब्राजिल च्याम्पियन बनेपनि इटाली र पश्चिम जर्मनीबीचको खेल निकै सम्झनायोग्य बन्न पुग्यो । डेली मेलले सम्झनायोग्य खेलको रुपमा यो खेललाई शीर्ष स्थानमा राखेको छ ।

इटाली जित नजिक पुगेपनि इन्जुरी समयमा स्केनलिङ्गरले गोल गर्दै खेललाई अतिरिक्त समय धकेलेको थियो । निर्धारित समयमा २ गोल निस्कदा बाँकी ५ गोल थप गरिएको समयमा निस्किएको थियो । अतिरिक्त समयको २१ मिनेटभित्र ५ गोल सम्भव भएको थियो । सम्भवत अतिरिक्त समयमा भएका ५ गोल विश्व फुटबलमा दुर्लभ गोल हो । त्यसैले खेल पुस्तौ पुस्ताले सम्झनेछन् ।