6 years ago
June 7, 2018
ढाका (एजेन्सी) – फिफा विश्वकप सन् २०१८ सुरु हुन अघि बंगलादेशका एक फुटबल समर्थक किशानले ५.५ किलोमिटर लामो जर्मनीको झण्डा घरमा नै बनाएका छन् । अम्जाद हुसेन नाम गरेका समर्थकले २००६ को विश्वकप देखि जर्मनीको समर्थन गर्दै आएका हुन् । त्यो वर्ष जर्मनीले विश्वकपको आयोजना गर्दा देखि उनले कालो, रातो र पहेंलो रंगको कपडा जोड्दै आएका हुन् ।
हरेक विश्वकपमा उनले जर्मनीको झण्डाको आकार बढाउंदै आएका छन् । यसपटक को विश्वकप सुरु हुन अघि भने उनले सो झण्डालाई अझ ठुलो बनाउन चाहिने कपडा खरिद गर्न आफ्नो जग्गा समेत बिक्रि गरेका छन् । उनले यो बर्ष पहिला भन्दा झण्डाको आकार २ किलोमिटरले बढाएका छन् ।
६९ बर्षिय अम्जादले बंगलादेशको मगुरामा सयौं जर्मनी समर्थक र अन्य फुटबल समर्थकको अगाडि बिद्यार्थीको सहयोगमा सो झण्डा अनावरण गरेका हुन् । सो समारोहमा उपस्थित भएका मगुरा पुलिसका उप प्रमुख तरिकुल इस्लामले भने, ‘ ५.५ किलोमिटर लामो सो झण्डाले विद्यालयको मैदान कयौं पटक बेरेको थियो । अम्जादले आफ्नो सम्पत्ति बेचेर झण्डा बनाएका छन् । उनि एक सच्चा जर्मन समर्थक हुन् । ’
बंगलादेश क्रिकेट धेरै हेरिने देशमा पर्दछ । यद्दपी, हरेक ४ वर्षमा आउने विश्वकप फुटबललाई समेत यहाँ धेरै महत्व दिने गरिन्छ । ब्राजिल र अर्जेन्टिनाको समर्थन बंगलादेशमा धेरै रहेको बताइन्छ । यदि विश्वकप फुटबलमा जर्मनी दोस्रो चरणमा पुगेमा अम्जादले सो झण्डाले स्थानीय क्षेत्रमा रहेको रंगशालालाई घेर्ने निर्णय घोषणा गरेका छन् ।
‘मलाई जर्मन फुटबल मनपर्छ किनकी उनीहरु धेरै राम्रो फुटबल खेल्छन्,’ अम्जादले भने । अम्जादको जर्मनीप्रति को समर्थनलाई प्रशंसा गर्दा २०१४ मा उनलाई जर्मनीको राष्ट्रिय टोलीको आजीवन सदस्य समेत बनाइएको थियो । जर्मनी राजदूतावासका एक कर्मचारी तमारा कबिरले भने, ‘हामी केहि समय घाम लागिरहेको बेला झण्डाको मुनि हिडिरहेको थियौं । यो हाम्रो अहोभाग्य थियो । मैले आजसम्म यति लामो झण्डा भएको सुनेको छैन र मलाई लाग्छ यो नै सबैभन्दा लामो छ ।’
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]