सिमरा (हाम्रो खेलकुद) – वडा नं. १ जीतपुरसिमरा उपमहानगर स्तरीय प्रथम मेयर कप फुटबल प्रतियोगिताको सेमिफाइनलमा प्रवेश गरेको छ । सिमरा रंगशालामा बुधवार भएको खेलमा वडा नं. ११ माथी ५–० को फराकिलो जित हासिल गर्दै वडा नं. १ प्रतियोगिताको अन्तिम चारमा प्रवेश गरेको हो ।

वडा नं. १ लाई जीत दिलाउने क्रममा निरज राईले २ गोल गरे भने पुजन श्रेष्ठ, समर मगर र बसन्त लामाले समान १/१ गाले गरेका थिए । निर्धारित ८० मिनेटको खेलको पहिलो हाफ निकै प्रतिस्पर्धात्मक बन्यो । पहिलो हाफमा दुवै टिमले थुप्रै अवसर पाएपनि गोल गर्न सकेनन् । खेलको ३ मिनेटमै वडा नं. १ का उत्सव कंसकारले वन भर्सेस वनको स्थिती चुकाउन पुगे ।

खेलमा थुप्रै अवसर पाएको वडा नं. १ ले पाच वटै गोल दोस्रो हाफमा गरेको थियो । खेलको ४७ औं मिनेटमा वडा नं. १ का निरज राईले उत्कृष्ट गोल गर्दै टिमलाई अग्रता दिलाए । उनको प्रहार वडा नंं. ११ का गोलरक्षकले ठम्याउन सकेनन् । खेलको ६६ औं मिनेटमा वडा नं. १ का लागि पुजन श्रेष्ठले दोस्रो गोल गरे ।

निरज राईको पासलाई सदुपयोग गर्दै पुजनले बललाई जाली चुमाए । खेलमा २–० ले पछि परेपछि लय गुमाएको वडा नं. ११ ले खेलको ७१औं मिनेटमा तेस्रो गोल खान पुग्यो । निरज मगरको पासलाई सदुपयोग गर्दै समर मगरले गोल गरे ।

दोस्रो हाफमा वडा नं. ११ लाई दवावमा राख्दै उत्कृष्ट खेल प्रदर्शन गरेको वडा नं. ११ ले खेलको ७४औं मिनेटमा चौथो गोल थप्यो । टिमको लागि पहिलो गोल गरेका निरज राईले ब्यक्तिगत दोस्रो गोल गर्दै खेल ४–० को स्थितीमा पु¥याए । खेलमा फराकिलो जीत हात पार्दै अन्तिम चारमा स्थान बनाउने क्रममा वडा नं. १ ले खेलको ८०औं मिनेटमा पाचौ गोल गरेको थियो ।

उत्सव कंसकारको स्थानमा मैदान पसेका बसन्त लामाले उत्कृष्ट गोल गर्दै खेल ५–० को स्थितीमा पु¥याएका थिए । वडा नं. १ को जीतमा उत्कृष्ट खेल प्रदर्शन गरेका निरज राई खेलको म्यान अफ दि म्याच घोषित भए । उनलाई वडा नं. १ का सदस्य रामचन्द्र लामाले म्यान अफ दि म्याच वितरण गरेका थिए ।

प्रतियोगिता अन्तर्गत विहिवार वडा नं. २ र वडा नं. २१ बीच खेल हुनेछ । जीतपुरसिमरा उपमहानगरपालिकाको सहयोगमा सामुदायिक बिकासशील क्लबले आयोजना गरेको प्रतियोगिताको विजेताले ५० हजार र उपविजेताले २५ हजार प्राप्त गर्नेछ ।