6 years ago
June 4, 2018
सिमरा (हाम्रो खेलकुद) – सिमरामा जारी प्रथम मेयर कप फूटवल अन्तर्गत सोमबार भएको खेलमा वडा नं. १२ र वडा नं. ४ विजयी भएको छ । सिमरा रंगशालामा भएको पहिलो खेलमा वडा नं. १२ ले वडा नं. १९ लाई १–० र वडा नं. ४ ले वडा नं. २३ लाई २–० ले पराजित गरेको हो ।
वडा नं. १२ लाई जित दिलाउने क्रममा सागर चौधरीले खेलको ३१औं मिनेटमा निर्णायक गोल गरेका थिए । प्रतिस्पर्धात्मक खेलमा दुबै टिमले थुप्रै अवसर पाएपनि सदुपयोग गर्न सकेनन् । निर्धारित ६० मिनेटको खेलमा दुवै टोलीले पहिलो हाफमा बराबरी खेलेका थिए ।
वडा नं. १९ विरुद्ध केही अवसर खेर फालेको वडा नं. १२ ले दोस्रो हाफको सुरुवातमै गोल गरेको थियो । टिमका लागि निर्णायक गोल गरेका सागर चौधरी खेलको म्यान अफ दि म्याच घोषित भए । वडा नं. ४ का अध्यक्ष भोजबहादुर खत्री, वडा नं. १९ का अध्यक्ष सुदनदास तत्मा र वडा नं. १२ का अध्यक्ष लालबाबु रायले म्यान अफ दि म्याच वितरण गरेका थिए ।
यसैगरी दोस्रो खेलमा वडा नं. २३ विरुद्ध जित निकाल्ने क्रममा वडा नं. ४ का लागि महेन्द्र लामा र सागर चौधरीले गोल गरे । वडा नं. ४ ले पहिलो हाफको ईन्जुरी समयमा खेलमा अग्रता लिएको थियो । टिमका लागि महेन्द्र लामाले पेनाल्टीमार्फत गोल गरेका थिए ।
वडा नं. २३ विरुद्ध संघर्षपूर्ण जित हासिल गर्ने क्रममा खेलको ३७ औं मिनेटमा सागर चौधरीले गोल गर्दै अग्रता दोब्बर पारेका थिए । चौधरी खेलको म्यान अफ दि म्याच घोषित भए । वडा नं. २३ का अध्यक्ष अस्लम देवान र वडा नं. ४ का अध्यक्ष भोजबहादुर खत्रीले म्यान अफ दि म्याच वितरण गरेका थिए ।
प्रतियोगिता अन्तर्गत मंगलवार पहिलो खेल वडा नं. १० र वडा नं. ३ बीच हुनेछ । यसैगरी दोस्रो खेलमा वडा नं. २० र वडा नं. ८ बिच प्रतिस्पर्धा हुनेछ । जीतपुरसिमरा उपमहानगरपालिकाको सहयोगमा सामुदायिक बिकासशील युवा क्लबले आयोजना गरेको प्रतियोगिताको विजेताले ५० हजार उपविजेताले २५ हजार प्राप्त गर्नेछ ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]