6 years ago
June 4, 2018
नुवाकोट (हाम्रो खेलकुद)– रुस्लान थ्री स्टार क्लब नुवाकोटमा जारी विशाल सिमेन्ट नुवाकोट गोल्डकप फुटबल प्रतियोगिताको सेमिफाइनलमा पुगेको छ । नुवाकोट बट्टारस्थित खेलमैदानमा सोमबार भएको क्वार्टरफाइनलमा थ्री स्टारले मदन भण्डारी स्पोर्टस् एकेडेमीलाई ३–२ को अन्तरमा पराजित गर्दै अन्तिम चारमा स्थान बनाएको हो।
थ्री स्टारको जितमा राष्ट्रिय टोलीका रक्षक अनन्त तामाङले २ र अजायी मार्टिनले १ गोल गरे । पराजित टिमका लागि सौजन राई र म्याक्सवेलले गोल गरे । खेलको १२ औं मिनेटमा थ्री स्टारले अनन्तको हेड गोलबाट अग्रता बनाएको थियो । २७ औं मिनेटमा मार्टिन्सले गोल गरेपछि थ्री स्टारले पहिलो हाफमा २–० को अग्रता बनायो ।
प्रतिस्पर्धात्मक बनेको दोस्रो हाफमा दुवै टोलीले आक्रमक फुटबल खेलेका थिए । पहिलो हाफको तुलनामा दोस्रो हाफमा सुधारिएको खेल पस्केको मदन भण्डारीले दुई गोल गरेपनि जित दर्ता गर्न सकेन । ७७ औं मिनेटमा सौजनले गोल गर्दै गोल अग्रता २–१ मा झारका थिए ।
तर, ८२ औं मिनेटमा अनन्तले आफनो दोस्रो तथा टिमको लागि तेस्रो गोल गरेपछि थ्री स्टार पुन ३–१ ले अघि बढ्यो । इन्जुरी समयमा थ्री स्टारका विष्णु सुनारले विपक्षी खेलाडीलाई डि बक्समा लडाएपछि मदन भण्डारीले पेनाल्टी पाएको थियो ।
जसमा म्याक्सवेलले गोल गरेपनि त्यो खेलमा फर्काउन निक्कै नै ढिला भैसकेको थियो । भर्खरै एपिएफ छाडेका रञ्जन विष्ट पनि थ्री स्टारबाट खेलेका थिए । मदन भण्डारी स्पोर्टस् एकेडेमीले लक्ष्मी हुन्डाई मनाङ मस्र्याङ्दी, झापा–११ का केही खेलाडीहरु टिममा उतारेको थियो ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]