मस्को (एजेन्सी) – चोटबाट मुक्त हुँदै फिफा विश्वकपमा सहभागी हुने आशा लिएका मोहम्मद सलाहले इजिप्टको टोलीलाई नयाँ भरोसा देखाएका छन्।

लिभरपुलसंगको उत्कृस्ट सिजनसंगै विश्वकप सुरुहुन अब १० दिन बाँकी रहंदा सलाह आफ्नो फिटनेसलाई लिएर धेरै मिहिनेत गरिरहेका छन्। विशेषगरी शुक्रवार कोलम्बिया बिरुद्धको मैत्रीपूर्ण खेलमा गोलरहित बराबरी खेलेसंगै सलाहको फिटनेसलाई लिएर प्रशिक्षण हेक्टर कुप्पर खुशी हुनेछन्। अन्तिम हप्ता बिश्राम लिएपछि सलाहले समाजिक संजाल ट्वीटरमा आफ्नो दायाँ कुमलाई ध्यानमा राखेर कसरत गरेको फोटो राखेका थिए।

आक्रमण बनाउने खेलाडीको अभावमा रहेको इजिप्टलाई सलाहको उपस्थितिले मझ्बुत बनाउने देखिन्छ। शुक्रवारको खेलपछि प्रशिक्षक हेक्टरले भने, “हामी आशावादी छौं र हरेक मेडिकल रिपोर्टले उनी ठीक हुने बताएका छन् तर हामीले आउन सक्ने सबै अवस्थाको लागि तयारी गर्नुपर्छ। सलाहलाई प्रतिस्थापन गर्न सजिलो छैन किनकि उनि हाम्रो हतियार हुन् र विशेषगरी काउन्टर अट्याक बनाउने र द्रुत गतिमा दौडीन सक्ने क्षमता उनमा छ।”

च्याम्पियनस लिग फुटबलको फाइनल खेलमा रियल म्याड्रिडका कप्तान सर्जियो रामोससंगको विवादास्पद ठक्कर पछि सलाह आँखाबाट आँशु झार्दै मैदान छाडेका थिए। सो घटनापछि रुसमा आयोजनाहुने विश्वकपमा उनको सहभागितालाई लिएर चर्चा हुन थालको हो। “त्यो रात मेरो लागि धेरै कठिन थियो तर म योद्धा हुँ।“ सामाजिक संजाल इन्स्टाग्राममा सलाहले भनेकाछन्, “सबै कठिन परिस्थितिका बाबजुद म रुसमा हुनेमा र सबैलाई खुसी पार्ने कुरामा पक्का छु। तपाईंहरुको माया र सद्भावले मलाई चाहिएको बल दिन्छ।“