म्याड्रिड (एजेन्सी) – आइतवार सम्पन्न ब्राजिल र क्रोएसिया बिचको मैत्रीपूर्ण खेलपछि दूई स्टार खेलाडीहरु लुका मोड्रिक र नेयमारले टिसर्ट साटेका छन्। सोहि क्रममा लुका मोड्रिचले नेयमारलाई जिस्क्याउँदै रियल म्याड्रिडमा उनको प्रतिक्षा गरिरहेको बताएका छन् ।

लामो समयको चोटपछि पुनरागमन गर्नेक्रममा पिएसजीका स्टार खेलाडी नेयमारले क्रोएसिया बिरुद्ध ब्राजिलको २-० को जितमा गोल समेत गरेका थिए । ब्राजिलियन सक्कर फेडेरेसनको ट्वीटरमा प्रशारित भिडियोमा नेयमार र मोड्रिचले हस्ताक्षर गरेको टिसर्ट साटासाट गरेको देखिएको छ।

नेयमार बार्सिलोनाबाट अन्तिम बर्ष कीर्तिमानी १९८ मिलियन युरोमा पिएसजीमा आबद्ध भएका थिए । पछिल्लो केहि समय बाहिरिएका समाचारका अनुसार रियल म्याड्रिडले नेयमारलाई आफ्नो टिममा ल्याउने कसरत गरिरहेको छ। भिडियोमा समेत मोड्रिकले नेयमारलाई “हामी तिम्रो प्रतिक्षा गरिरहेका छौं “ भनेको देख्न सकिन्छ। मोड्रिचको सो भनाईपछि नेयमार मुस्कुराएका थिए।

स्पेनिस पत्रिका मार्साका अनुसार अन्तिम महिना नेयमारका बुवा तथा एजेन्ट नेयमार एसएसआरले आफुले पेरिसमा रियलका निर्देशकलाई भेटेको र त्यसपछि आफ्नो छोराले तत्कालै पिएसजी छाड्न चाहेको बताएका थिए ।

रियल म्याड्रिडका अध्यक्ष फ्लोरेन्टिनो पेरेजले समेत आफुले सन् २०१३ मा नै नेयमारलाई रियलमा ल्याउन खोजेको र अहिलेपनि उनलाई पाउने चाहाना रहेको स्वीकारेका छन् । फेब्रुअरी २५ मा चोटिल हुनअघि नेयमारले पिएसजीको लागि पहिलो सिजन खेल्ने क्रममा ३० खेलमा २८ गोल र १६ एसिस्ट गरेका छन् ।