म्याड्रिड (एजेन्सी) –राष्ट्रिय टोलीबाट खेल्नु हरेक फुटबल खेलाडीको सपना हुन्छ । त्यसमा पनि गोल गर्नु गोल गर्नु झन् ठूलो सपन हुन्छ । तर, सबै फुटबल खेलाडीको त्यो सपना पुरा हुन्न । त्यसमध्ये कतिले त्यो सपना पुरा गर्छन् ।

फुटबलको दुनियाँमा त्यस्ता खेलाडी छन्, जो हरेक वर्ष राष्ट्रिय टोलीका लागि गर्दै आएका छन् । त्यसमध्ये यहाँ त्यस्ता पाँच खेलाडीको चर्चा गरिदैछ, जो आफ्नो देशका लागि सर्वाधिक गोलकर्ता हुन् र अहिले पनि सक्रिय खेल जीवनमा छन् ।

५. क्लिन्ट डेम्पसे (अमेरिका)

अमेरिकी खेलाडी डेम्पसे आफ्नो देशमा भन्दा बढी युरोपमा बढी परिचित छन् । फुलह्यामबाट खेल्दा उनले निकै चर्चा कमाएका थिए । उनको उच्च प्रदर्शनबाट प्रेरित फुलह्याम सन् २०१० को युरोपा लिग फाइनल पुगेको थियो । डेम्पसेले देशका लागि ५७ गोल गरिसकेका छन् । १४ वर्षे अन्तर्राष्ट्रिय खेल जीवनमा उनले लगातार गोल र त्यो सँगै पटक पटक असिस्ट पनि गर्दै आएका छन् । ३५ वर्षको उमेरमा पनि उनी अन्तर्राष्ट्रिय फुटबलमा उत्तिकै सक्रिय छन् । पछिल्लो वर्षमात्र पनि उनले देशका लागि ५ गोल गरेका थिए ।

४. डेभिड भिल्ला (स्पेन)

भिल्ला त्यस्ता खेलाडी हुन् जो ३० वर्ष पार गरिसकेर पनि अझै सक्रिय खेल जीवनमा छन् । सन् २०१४ मा अन्तर्राष्ट्रिय फुटबलबाट सन्यासको घोषणा गरेपनि उनी न्यू योर्क सिटीका लागि उच्च प्रदर्शन गरिसकेका छन् । गत वर्ष विश्व कप छनोटमा उनी पुन राष्ट्रिय टोलीमा डाकिएका थिए । स्पेनका लागि उनले ५९ गोल गरिसकेका छन् । स्पेनको अन्तर्राष्ट्रिय सफलताका उनी एक मुख्य हिस्सेदार हुन् ।

३. सुनिल क्षेत्री (भारत)

क्षेत्री भारतीय फुटबलकाक सर्वाधिक सफल खेलाडी हुन् । घरेलु फुटबलमा थुप्रै उपाधि जितिसकेका उनको अन्तर्राष्ट्रिय खेल जीवन पनि उत्तिकै सफल छ । चार वटा लिग उपाधि र तीन वटा घरेलु उपाधि जितेका क्षेत्रीले बेंगलुरु एफसीलाई सन् २०१६ को एएफसी कपको फाइनलमा पुर्याउन योगदान गरेका थिए । उनले राष्ट्रिय टोलीकका लागि अहिले सम्म ६१ गोल गरिसकेका छन् । उनको सहभागितामा भारतले ६ वटा अन्तर्राष्ट्रिय उपाधि जितिसकेको छ ।

२.लियोनल मेस्सी (अर्जेन्टिना)

मेस्सी फुटबल इतिहासकै उत्कृष्ट खेलाडी मध्येका एकका रुपमा रहेका छन् । राष्ट्रिय टोली र बार्सिलोना दुवैबाट उनले अहिले पनि उच्च प्रदर्शन गरेका थिए । उनले क्लबका लागि घरेलु र युरोपियन उपाधि पटक पटक जितेका छन् । देशका लागि अन्तर्राष्ट्रिय सर्वाधिक गोल गर्ने खेलाडीको सुचिमा उनी दोस्रो स्थानमा छन् । ३० वर्षको उमेरमा पनि उत्तिकै जुझारु मेस्सीको नाममा ६४ अन्तर्रष्ट्रिय गोल छ ।

१.क्रिस्टियानो रोनाल्डो (पोर्चुगल)

रोनाल्डो र मेस्सीमध्ये को उत्कृष्ट भन्ने बहस अहिले पनि उत्तिकै चलिरहेको छ । रियल म्याड्रिडका सुपर स्टार रोनाल्डोले अलग अलग देशका क्लबका लागि थुप्रै उपाधि जितेका छन् । पोर्चुगलमा रहँदा पनि उच्च प्रदर्शन गरेपनि म्यानचेस्टर युनाइटेड पुगेपछि उनको बढी चर्चा भएको थियो । रियलका लागि ४ सहित उनले अहिले सम्म ५ पटक च्याम्पियन्स लिग उपाधि जितिसकेका छन् ।

देशका लागि पनि उनको प्रदर्शन उच्च रहँदै आएको छ । उनको मद्दतमा पोर्चुगलले पहिलो महत्वपूर्ण उपाधिका लागि सन् २०१६ मा युरो कप जितेको थियो । देशका लागि ८१ गोल गरिसकेका रोनाल्डोले रसिया विश्व कपमा पनि उच्च प्रदर्शन गर्ने अपेक्षा गरिएको छ ।