म्यानचेस्टर (एजेन्सी)– म्यानचेस्टर युनाइटेडका प्रशिक्षक एलेक्स फर्गुसन झन्डै महिना दिनपछि अस्पतालबाट घर फर्केका छन् । ब्रेन हेमरेजका कारण उनी गत महिना सालफोर्ड रोयल अस्पताल भर्ना भएका थिए । अब उनको रेखदेख परिवारले गर्ने बताइएको छ ।

आर्सलनको प्रशिक्षकका रुपमा गत महिना आर्सन वेङ्गर अन्तिम पटक ओल्ड ट्राफोर्ड पुग्दा फर्गुसनले उनलाई उपहार प्रदान गरेका थिए । त्यसको एक साता नबित्दै फर्गुसन बिरामी परेका थिए । तत्काल शल्यक्रिया गरेपछि उनमा विस्तारै सुधार आएको उल्लेख गरिएको छ ।

७६ वर्षे फुर्गसनले सन् २०१८/१९ को सिजन सुरु हुँदा क्लब अफिसियल र समर्थकका बीच फुर्गसन डाइरेक्टरको बक्समा हुने अपेक्षा राखेका छन् । उनका छोरा डारेन डोनकास्टर रोभर्सन एन्ड द योर्कसायरका प्रशिक्षक हुन् । जति बेला उनको शल्यक्रिया हुँदै थियो त्यति बेला उनको छोराको टोली विगान ह्विल्स्टसँग प्रतिस्पर्धा गरिरहेको थियो ।

त्यो खेल विगानले १–० ले विजयी भएको थियो । आफ्नो शल्यक्रिया सकिने वित्तिकै फर्गुसनले पहिलो शब्द छोराको क्लबको नतिजा सोधेको बताइएको छ । फुटबल प्रशिक्षकका रुपमा सर्वाधिक सफल प्रशिक्षक मध्येका एक फर्गुसन विरामी भएको खबर सार्वजनिक भएलगत्तै विश्वभरका खेलप्रेमीले उनको स्वास्थलाभको कामना गरेका थिए ।

सन् २०१३ सम्म उनको प्रशिक्षणमा युनाइटेडले १५ सय खेल खेल्दै ८ सय ९५ खेल जितेको थियो। उनले युनाइटेडलाई १३ प्रिमियर लिग, ५ एफए कप, ४ लिग कप र ३ च्याम्पियन्स लिग उपाधि दिलाएका थिए ।