6 years ago
June 2, 2018
काठमाडौं (हाम्रो खेलकुद) – विश्व खेलकुदमा सबै भन्दा चर्चित, फुटबलको महाकुम्भ विश्वकप २०१८ जुन १४ देखि रुसमा सुरु हुँदै छ । यस विश्वकपमा बलियो दाबेदार मानिएको टोलीमा साविक विजेता जर्मनी पनि पर्छ ।
जर्मनीका गोलकिपर म्यानुयल नोया यस सिजनको अधिकांश समय घाइते भए पनि गोलपोस्ट र कप्तानको जिम्मेवारीमा उनी फर्किने बताइएको छ । त्यस्तै डिफेन्समा जेरोम बोएटेङ र म्याट हमेल्सको अनुभवी जोडीको साथ रहने छ भने जोसुवा किमिच र जोनास हेक्टर डिफेन्सको दायाँ र बायाँमा सुरुवात गर्ने लगभग पक्का रहेको छ ।
मिडफिल्डतर्फ, रियल मड्रिडका टोनी क्रुसको भुमिका महत्त्वपूर्ण हुने छ । त्यस्तै उनलाई सामि खेडिरा वा इल्के गुन्डोगनले साथ दिने छन् । मिडफिल्डको बीचमा आर्सनलका मेसुट ओजिल खेल्ने छन् ।
मिडफिल्डको बायाँतर्फ जर्मनीलाई धेरै विकल्प रहेको छ । म्यानचेस्टर सिटीका लेरोय साने, पिएसजीका जुलियन ड्राक्सलर वा बोरुसिया डर्टमन्डका मार्को रोयस त्यस स्थानमा खेल्न सक्ने छन् । तर लयको हिसाबमा साने खेल्ने सम्भावना धेरै छ । दायाँतर्फ भने थोमस मुलरको ठाउँ पक्कै रहेको छ ।
अग्रपंक्तिमा युवा खेलाडी टिमो वेर्नर खेल्ने देखिन्छ । यदी उनी बेन्चमा बसे मुलर अग्रपंक्तिमा खेलेर एक अर्का मिडफिल्डर दायाँतर्फ खेल्ने छन् । जर्मनी विश्वकपको समूह ‘एफ’ मा दक्षिण कोरिया, मेक्सिको र स्विडेनसँग रहेको छ । प्रतियोगिता सुरु हुन अघि जर्मनीले आज राति अष्ट्रिया र ७ तारिखमा साउदी अरेबियासँग मैत्रीपूर्ण खेल खेल्ने छ ।
जर्मनी सम्भावित सुरुवाती ११:
गोलकिपर: म्यानुयल नोया
डिफेन्डर: जोसुवा किमिच, म्याट हमेल्स, जेरोम बोएटेङ, जोनास हेक्टर
मिडफिल्ड: थोमस मुलर, सामि खेडिरा, टोनी क्रुस, मेसुट ओजिल, लेरोय साने
फरवार्ड: टिमो वेर्नर
के यस पटक ब्राजिल विश्वकप जित्न सक्षम छ?
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]