7 years ago
June 1, 2018
काठमाडौं (हाम्रो खेलकुद) – विश्व खेलकुदमा सबै भन्दा चर्चित, फुटबलको महाकुम्भ विश्वकप २०१८ जुन १४ देखि रुसमा सुरु हुँदै छ । हाम्रो खेलकुद डटकमको यस ‘विश्वकपमा हेर्नलायक २० खेलाडी’ सुचीको नम्बर १२ मा रहेका छन् स्पेनका मिडफिल्डर इस्को ।
इस्कोको करियरलाई फर्केर हेर्दा, २०१२ मा २० वर्षे इस्कोले स्पेनिस टोली मालागाबाट आकर्षक प्रदर्शन गरे र अर्को सिजन रियल म्याड्रिड उनलाई खरिद गर्द सफल रह्यो । त्यस बेलादेखि इस्कोको करियर उभो लागि रहेको छ ।
सन् २०१५ मा गोलकिपर इकर क्यासिलासले इस्कोको प्रतिभा देख्दै उनी आगामी समयमा स्पेनका लागि सबैभन्दा महत्त्वपूर्ण खेलाडी हुने बताएका थिए, र यस विश्वकपमा क्यासिलासको अनुमान सही सावित हुँदै छ ।
इस्को आफ्नो पास गर्ने शैली, गोल गर्ने कला र बलमा नियन्त्रणका लागि परिचित छन् । एक अग्रपंक्तिमा खेल्ने खेलाडीमा हुनु पर्ने सबै गुण उनीमा छ भन्ने कुरामा दुई मत छैन । उनी स्पेनिस टोली खेल्ने शैली र प्रणालीका मूल पात्रका रुपमा उदाएका छन् ।
स्पेनको टोलीमा सर्जियो बुस्केट्सले डिफेन्सिभ मिडफिल्डको जिम्मेवारी लिनेछन् भने उनलाई थियागो अलाकान्टार वा कोकेले साथ दिनेछन् । मिडफिल्डको आक्रामक पक्ष भने आन्द्रेस इनिएस्टा, डेभिड सिल्भा र इस्कोको जिम्मामा हुने छ र स्पेन सधैं आफ्नो आक्रमक मिडफिल्डकै लागि चिनिएको छ ।
हालै खेलिएको मैत्रीपूर्ण खेलमा स्पेनले अर्जेन्टिनालाई ६-१ ले हराउंदा इस्कोले ह्याट्रिक गरेका थिए । भिडियो गेम फिफाले इस्कोले यस विश्वकपमा ५ गोल गर्दै गोल्डेन बुट जित्ने अनुमान पनि लगाएको थियो ।
रियलले लगातार ३ पटक च्याम्पियन्स लिगको उपाधि जित्दाको इस्को महत्त्वपूर्ण सदस्य हुन् । तर स्पेनका लागि भने इस्कोले ठूला प्रतियोगितामा खेलिसकेका छैनन् । यो उनका लागि नयाँ अनुभव हुने नै छ, विश्व फुटबलमा आफ्नो नाम थप स्थापित गर्ने ठूलो मौका पनि रहने छ ।
स्पेनले सन् २०१० को विश्वकप जितेको थियो भने २०१४ मा खराब प्रदर्शन गर्दै समूह चरणबाट बाहिरिन पुग्यो । यस विश्वकपमा भने स्पेनलाई ब्राजिल, जर्मनी, अर्जेन्टिना, र फ्रान्ससँगै बलियो दाबेदारको रुपमा हेरिएको छ, र दाबेदार स्पेनलाई दोस्रो पटक विश्वकप उपाधि जिताउने अभियानमा इस्कोको भुमिका अति महत्त्वपूर्ण हुने देखिन्छ ।
के स्पेनले यस वर्षको विश्वकप जित्ला? तपाईंको समर्थन कुन टोलीसँग छ ?
हेर्नुहोस् स्पेनको अन्तिम विश्वकप टोली
विश्वकपमा हेर्नलायक २० खेलाडी – २० ग्याब्रियल जेसस
विश्वकपमा हेर्नलायक २० खेलाडी – १९ थोमस मुलर
विश्वकपमा हेर्नलायक २० खेलाडी – १८ डेभिड सिल्भा
विश्वकपमा हेर्नलायक २० खेलाडी – १७ एन्गोलो कान्टे
विश्वकपमा हेर्नलायक २० खेलाडी – १६ एन्जल डि मारिया
विश्वकपमा हेर्नलायक २० खेलाडी – १५ एडेन हाजार्ड
विश्वकपमा हेर्नलायक २० खेलाडी – १४ लुका मोड्रिच
विश्वकपमा हेर्नलायक २० खेलाडी – १३ मेसुट ओजिल
January 15, 2025
सुमन अधिकारी,बुटवल आयोजक फर्साटिकर फुटबल क्लबले शुद्धोधन गाउँपालिका १२ औँ फर्साटिकर कप फुटबल प्रतियोगिताको उपाधि जितेको छ । फाइनलमा नवलपुरको अभिषेक चर्च व्वाइज फुटबल क्लबलाई बुधवार ट्राइबेकरमा पराजित गर्दै फर्साटिकरले उपाधि जितेको हो। निर्धारित ९० मिनेटको खेल २-२ गोलको बराबरी सकिएपछि खेल ट्राइब्रेकरमा गएको थियो । फर्साटिकरले २-० को अग्रता जोगाउन नसकेपछि उपाधिका लागि टाइब्रेकर […]
January 15, 2025
अर्जुन कार्की, बागलुङ जिल्ला प्रहरी कार्यालय बागलुङ र संकल्प पुर्नस्थापना केन्द्र बुधवार बागलुङमा जारी दोस्रो स्मृति कप फुटबल प्रतियोगिताको सेमिफाइनलमा प्रवेश गरेका छन् । प्रहरीले नेपाली सेनाको श्रीमेहर गणलाई ३-१ र संकल्पले नेपाली सेनाकै नारायण दल गण मुस्ताङलाई ट्राइबेकरमा पराजित गर्दै सेमिफाइनलको यात्रा तय गरेका हुन् । राष्ट्रिय खेलाडीसहित मैदान उत्रिएको प्रहरीको लागि खेलको पाँचौं […]
January 15, 2025
काठमाडौं(हाम्रो खेलकुद) – एन्फा राष्ट्रिय महिला लिगअन्तर्गत अन्तिम चरणमा विभागीय टोली एपिएफ फुटबल क्लबले बागमती युवा क्लबविरुद्ध सहज जित हासिल गरेको छ । सातदोबाटोस्थित एन्फा कम्प्लेक्समा बुधवार भएको खेलमा एपिएफले बागमतीलाई ६-० ले हरायो ।एपिएफको जितमा सरु लिम्बु र रश्मिकुमारी घिसिंङले समान २ र प्रीति राईले १ गोल गरिन् । बागमतीले २ आत्मघाती गोल गर्यो […]
