मस्को (एजेन्सी) – विश्व फुटबलको महाकुम्भ फिफा विश्वकप २०१८ अब १४ दिनमा सुरु हुँदैछ । ३२ राष्ट्र सम्मिलित विश्वकप फुटबलमा सर विश्वको ध्यान केन्द्रित हुनेछ । प्रतियोगिताको सम्पूर्ण तयारी पुरा भइसकेको छ भने सहभागी टोलीहरुले पनि अन्तिम नामावली सार्वजनिक गर्न थालिसकेका छन् ।

यसक्रममा अर्जेन्टिनाले पनि विश्वकपका लागि अन्तिम २३ खेलाडीको नाम सार्वजनिक गरिसकेको छ । विश्वकपको नियम अनुसार जुन ४ तारिखमा अन्तिम २३ खेलाडीको नाम बुझाउने मिति तोकिएको छ । तर धेरै टोलीले विश्वकपका लागि अहिलेबाट आफ्नो उत्कृष्ट टोली छनोट गरेर विशेष तयारी गराउन थालिसकेको छ । केहि टोली भने अझै पनि आफ्नो उत्कृष्ट २३ छनोट गर्ने प्रक्रिया मै छन् ।

अर्जेन्टिनाले पनि २३ सदस्यीय अन्तिम टोलीको घोषणा गरिसकेको छ । उक्त टोलीमा ३ गोलरक्षक, ८ डिफेन्डर, ८ मिडफिल्डर र ४ फरवार्ड रहेका छन् । निकै अनुभवी खेलाडी जाभिएर मास्सेरानो पनि टोलीमा रहेका छन् । उन्ले मैदानको कुनै भागबाट पनि खेल्न सक्ने क्षमता राख्छन् । यसअघि वेस्टह्याम, लिभरपुल, बार्सिलोनाजस्तो क्लबबाट खेलेका मास्सेरानो यसपटक अर्जेन्टिनालाई विश्वकप जिताउने दाउमा छन् ।

अर्जेन्टिनाले सन् २००० को दशकदेखि विश्वकप फुटबल जितेको छैन । सर्वकालीन महानमध्यका लिओनेल मेस्सीको कप्तानीमा रहेको टोलीमा कप्तान मेसीसँगै सर्जियो अगुएरो, पाउलो डिबाला र गोन्जालो हिगुआइन जस्ता खेलाडी आक्रमणमा हुनेछन् । प्रतियोगिताको खेल संचालनका लागि आयोजकले ११ सहरमा १२ रंगशाला तयार पारेको छन् । मस्कोको लुझिनकी रंगशालामा सुरु हुनेविश्वकप एक महिना चल्नेछ ।