6 years ago
May 31, 2018
म्याड्रिड (एजेन्सी)– स्टार फवार्ड क्रिस्टियानो रोनाल्डो रियल म्याड्रिडले अर्को सिजन प्रयोग गर्ने जर्सी सार्वजनिक गर्ने कार्यक्रममा अनुपस्थित रहेका छन् । पाँच वर्षमा चौथो पटक च्याम्पियन्स लिग जितेको रियलको जर्सी सार्वजनिक गर्दा रोनाल्डो अनुपस्थिति रहनुलाई अर्थपूर्ण रुपमा हेरिएको छ । टोलीले च्याम्पियन्स लिगको उपाधि जितेकै दिन रोनाल्डोले रियल छाड्ने संकेत गरेका थिए ।
फाइनलमा शनिबार लिभरपुललाई ३–१ ले हराउँदै रियल लगातार तेस्रो पटक च्याम्पियन बनेको केहि समयपछि नै रोनाल्डोले भनेका थिए, ‘रियलमा रहनु मेरा लागि उत्कृष्ट रह्यो । अबको केहि दिनमा म आफ्ना बारेमा समर्थकलाई जानकारी दिनेछु ।’ विगतका केहि सिजनभन्दा यस सिजन प्रशिक्षक जिदानले रोनाल्डोलाई धेरै विश्राम दिएका थिए । रोनाल्डो खेल मैदानमा बढी समय बिताउन नपाएकाले रियल छोड्ने मनस्थितिमा पुगेको बुझिएको छ ।
रियलमा रहने विषयमा शंका रहेकै बेला रोनाल्डो जर्सी सार्वजनिक गर्दा रोनाल्डोको फोटो थिएन । होम र अवे जर्सी मंगलबार सार्वजनिक गर्दा टोलीको पहिलो रोजाइका खेलाडी मध्ये उनी एक मात्र खेलाडी हुन् । टोलीका अन्य सबै खेलाडीको फोटो नयाँ जर्सीमा रहेको छ । यद्यपी रोनाल्डोको सम्झौता अझै केहि वर्षलाई बाँकी छ ।
टोलीमा रहने नरहनेमा शंका रहेका गेराथ बेल पनि होम जर्सीका साथ फोटोमा देखिएका छन् । त्यस्तै प्रशिक्षक जिनेदिन जिदान पनि नयाँ किट्सका फोटो सेसन गर्नेमध्येमा छन् । रोनाल्डो च्याम्पियन्स लिग सकिएलगत्तै आफ्नो परिवारलाई भेट्न गएका थिए । उनले छिट्टै विश्वकपका लागि पोर्चुगलको प्रशिक्षणमा सहभागिता जनाउने छन् ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]