लन्डन (एजेन्सी) – फुटबलको महाकुम्भ विश्वकप २०१८ सुरु हुन अब केवल १६ दिन बाकीं रहँदा विभिन्न पत्रिका, खेलाडी र खेलकर्मीहरुले प्रतियोगिताको अनुमान लगाउन सुरु गरिसकेका छन् । यस बीच विश्वप्रसिद्ध भिडियो गेम फिफाले पनि आफ्नो भविष्यवाणी सार्वजनिक गरेको छ ।

फिफाले यस पटकको विश्वकपको विजेता फ्रान्स हुने अनुमान लगाएको छ । यस भन्दा अघिको विश्वकपमा फिफाले जर्मनी नै विजेता हुने सही अनुमान पनि लगाएको थियो । त्यस्तै व्यक्तिगत उपाधिहरुको पनि अनुमान फिफाले लगाएको छ ।

फिफाका अनुसार प्रतियोगिताको सर्वाधिक गोलकर्ता स्पेनका इस्को र फ्रान्सका एन्टोइन ग्रिजम्यान हुने छन् । दुवै खेलाडीले समान ५-५ गोल गर्दै उपाधि बाड्ने अनुमान गरिएको छ । त्यस्तै फ्रान्सलाई उपाधि दिलाउन महत्त्वपूर्ण भुमिका खेल्दै ग्रिजम्यान गोल्डेन बल अर्थात् उत्कृष्ट खेलाडीको उपाधि जित्ने भनिएको छ ।

त्यसैगरी समूह चरणमा ब्राजिलका लागि आकर्षक प्रदर्शन गर्ने अनुमान लगाउंदै उत्कृष्ट युवा खेलाडी ग्याब्रियल जेससले जित्ने अनुमान समेत फिफाले लगाएको छ ।

फिफाको अन्य अनुमानमा अर्जेन्टिना आफ्नो समूहमा दोस्रो रहने र क्रोएसिया पहिलो रहने भनिएको छ । त्यस्तै उपविजेता ब्राजिल, तेस्रो स्थानमा जर्मनी र चौथो स्थान बेल्जियम रहने फिफाले अनुमान गरेको छ । बेल्जियमले क्वाटरफाइनलमा ब्राजिललाई हराउने आश्चर्यपूर्ण अनुमान फिफाले हिजो सार्वजनिक गरेको हो ।

तपाईंको अनुमानमा गोल्डेन बल र गोल्डेन बुट कस्ले जित्ला?