6 years ago
May 29, 2018
न्योन (एजेन्सी) – मारियो बालोटेलीले चार वर्षपछि इटालीयन राष्ट्रिय टोलीको लागि गोल गरेसँगै विश्वकपको तयारीमा रहेको साउदी अरेबिया मैत्रीपूर्ण खेलमा २-१ ले पराजित भएको छ ।
म्यानचेस्टर सिटीका पूर्व स्ट्राइकर बालोटेलीले उत्कृष्ट गोल गर्दै स्विटजरल्यान्डमा भएको मैत्रीपूर्ण खेलमा इटालीलाई अग्रता दिलाएका थिए । २१ औं मिनेटमा अगाडी बढेको इटालीले ६८ औं मिनेटमा दोस्रो गोल पायो । आन्द्रीए बेलोट्टीले डिफेन्सको गल्तिको फाइदा उठाउँदै इटालीलाई २-० ले अगाडी बढाएका थिए । साउदी अरेबियाका लागि याह्या अल शेहरीले गोल गर्दै गोलअन्तर घटाएका थिए ।
इटालीका लिग यस खेलबाट नयाँ प्रशिक्षक रोबर्टो मान्चिनीले पनि जिम्मेवारी सम्हाले । ५३ वर्षीय प्रशिक्षक मान्चिनीले सन् २०१२ मा म्यानचेस्टर सिटीलाई पहिलो लिग उपाधि दिलाएका थिए । यसअघि जियान पिएरो भेन्चुराले इटालीलाई विश्वकपसम्म पुर्याउन नसकेपछि उनले जिम्मेवारी सम्हालेका थिए ।
विश्वकपको तयारीमा रहेको साउदी अरेबियाले समूह ‘ए’ मा आयोजक रसिया, उरुग्वे र इजिप्टको सामना गर्नेछ । डिफेन्डरको गल्तीमा इटालीविरुद्ध एक गोल फर्काएको साउदीले खेल अवधिभर राम्रो प्रदर्शन गरेको थियो । इटालीको भन्दा बढी समय बलमा पकड बनाएको साउदीले विश्वकप तयारीका लागि स्पेनिस फुटबल संघसँग विशेष सहकार्य गरेको थियो ।
यता बालोटेलीले पनि ४ वर्षपछि राष्ट्रिय टोलीबाट खेल्दै उत्कृष्ट प्रदर्शन गरे । २७ वर्षीय फरवार्डले फ्रान्सेली क्लबको निसको लागि पनि राम्रो खेलेका थिए । इटालीले गोलरक्षक जियानलुइजी बुफोनको सन्न्यासपछि पहिलो खेल खेल्ने क्रममा युवा गोलरक्षक जियानलुइजी डोनारुम्मालाई सुरुआती एघारमा उतारेको थियो ।
September 19, 2024
सुमन अधिकारी,बुटवल झरना स्पोर्टस क्लबको आयोजनामा रुपन्देहीमा जारी ३६ औं झरना रनिङ शिल्ड फुटबल प्रतियोगितामा बिहीवार कपिलवस्तु -११ ले जित निकाल्दै अन्तिम आठमा पुगेको छ । समूह बीको खेलमा नवयुवा खेलकुद तथा सांस्कृतिक परिवारलाई ६-० ले पराजित गर्दै कपिलवस्तु क्वाटरफाइनलमा पुगेको हो । कुन्जलापुरस्थित उमा निमाविको फुटबल मैदानमा भएको खेलको ११ औ मिनेटमा कपिलवस्तुका कप्तान […]
September 19, 2024
सुशील पन्त क्षेत्री, चितवन गोल्डेन इमिनेन्ट दोस्रो चितवन गोल्डकपमा सूर्यपुर एफसीले विजयी सुरुवात गरेको छ । आज सुरु भएको प्रतियोगिताको उद्घाटन खेलमा सूर्यपुरले बागमती युवा क्लब सर्लाहीलाई पराजित गरेको हो । प्रतिस्पर्धात्मक खेलमा सूर्यपुर सडन डेथमा विजयी भयो । त्यसअघि निर्धारित समयको खेल १-१ को बराबरीमा सकिएको थियो । खेलको २४ औं मिनेटमा हिसुब थपलियाको […]
September 19, 2024
काठमाडौं (हाम्रो खेलकुद) – एन्फा महिला लिगमा वालिङ नगरपालिकाले बागमती युथ क्लबलाई पराजित गरेको छ । छैटौं खेलमा चौथो जित हात पार्ने क्रममा वालिङले बागमतीमाथि ४-० को जित हात पार्यो । एन्फा कम्प्लेक्स सातदोबाटोमा भएको खेलमा वालिङको जितमा ज्याकलिन नासालीले ह्याट्रिक तथा सिसी नान्टोंगोले १ गोल गरिन् । वालिङका लागि २२औं मिनेटमा नान्टोंगोले गोल गर्दै […]