6 years ago
May 28, 2018
किभ (एजेन्सी)– सुपर स्टार क्रिस्टियानो रोनाल्डोले रियल म्याड्रिडमा आफ्नो भविष्यका विषयमा दिएको प्रक्रियामा कुनै पछुतो नभएको बताएका छन् । च्याम्पियन्स लिग उपाधि रियलले लगातार तेस्रो पटक जितेपछि शनिबार रोनाल्डो रियलमा आफ्नो निरन्तरता नरहन सक्ने संकेत गरेका थिए ।
रियललाई लगातार तेस्रो पटक च्याम्पियन्स लिग उपाधि दिलाउने क्रममा पोर्चुगिज स्टारको भूमिका महत्वपूर्ण रहेको थियो । फाइनलपछि सञ्चारमाध्यमसँग कुरा गर्दै उनले केहि दिनमा आफ्नो योजना सार्वजनिक गर्ने बताएपछि उनले रियल छाड्न सक्ने चर्चा सुरु भएको छ ।
‘रियलमा रहनु साच्चै राम्रो रह्यो,’ रोनाल्डोको यो भनाईले क्लबका पदाधिकारीको भने टाउको दुखाएको छ । उनले जुन समयमा प्रतिक्रिया दिए त्यो सहि समय नभएपनि आफ्नो भनाई प्रति भने कुनै पछुतो नलागेको रोनाल्डोले बताएका छन् ।
‘मैले जुन समयमा भने त्यो सहि समय थिएन । तर, पनि केहि भइरहेको थियो,’ उनले भने, ‘पक्कै यो सहि समय होइन । तर म इमान्दार भएर भनेको हु । एक सातामा म केहि भन्ने छु किनकी समर्थकले मलाई सधै साथ दिएका छन् । उनीहरु मेरो मुटुमा छन् । मैले धेरै केहि भनेको छैन । तर जे भने भने ।’
रोनाल्डोले आफुलाई रोक्न नसकेको पनि स्वीकार गरेका छन् । उनले भने, ‘पक्कै मलाई केहि भन्नु छ । तर यो सहि समय होइन । तर जे भने त्यसमा पछुतो छैन । मैले इमान्दारपूर्वक भनेको हु, सायद यो विषय हाम्रो बीचमा राख्दा पनि हुन्थ्यो । तर मैले आफुलाई रोक्न सकिन ।’
शनिबारको सफलतापछि रोनाल्डोले खेल जीवनमा पाँच पटक च्याम्पियन्स लिग उपाधि जितेका छन् । तर, त्यहि दिन उनले रियललाई आफ्नो विगतको रुपमा प्रस्तुत गरे । ३३ वर्षे रोनाल्डोको भनाईलाई कतिपयले भने सम्झौता नविरकणको छलफलका लागि रणनीतिका रुपमा उपयोग गरेको बताएका छन् । तर, रोनाल्डोले त्यसलाई स्वकारेनन् ।
‘यो त लामो समय देखि चल्दै आएको छ । पैसा कुनै समस्याको विषय होइन,’ उनले भने, ‘मैले पाँच पटक च्याम्पियन्स लिग जिते । पाँच पटक बालोन डी ओर जिते । यो सबै इतिहास भएको छ । अब यो भन्दा बढीको प्रयास गर्ने हो ।’ आफुले क्लबलाई दिलाएको सफलता सबैलाई जानकारी भएको उल्लेख गर्दै रोनाल्डोले थपे, ‘साथीहरु र वास्तविक च्याम्पियन टोलीसँगका अद्भुत पललाई म भुल्न चाहन्न ।’
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]