म्याड्रिड (एजेन्सी)– नाइजेरिया राम्रो टोली हुन सक्ने सम्भावना भएपनि लियोन मेस्सी र अर्जेन्टिनासँग तुलाना गर्न नसकिने एट्लेटिको म्याड्रिडका प्रशिक्षक डिएगो सिमेवनले बताएका छन् । म्याक्स कपमा मंगलबार स्पेनिस क्लबले नाइजेरियाको बी टोलीलाई ३–२ ले हराएपछि सिमेवनको यस्तो भनाई आएको हो ।

खेलपछि सिमेवनले भने, मेस्सी विशेष खेलाडी हुन् । यदि उनी लयमा छन् भने रोक्न कठिन छ । मेस्सीलाई रोक्न नाइजेरियालाई कठिन हुनेछ । किनकी मेस्सी सन्यासअघि विश्वकप जित्न चाहन्छन् । तर पनि विश्व कपमा भाग लिने सबै टोलीलाई शुभकामना दिन चाहन्छु ।

सिमेवनले ला लिगाको उपविजेता टोलीलाई कडा टक्कर दिएकोमा नाइजेरियाको बी टोली प्रशंसा गरे । जसरी उनीहरुले खेले म आश्चार्यमा परे । त्यो मुख्य टोली पनि थिएन । टोली निकै राम्रो र बलियो लाग्यो । खेलमा उनीहरुले हामीलाई गाह्रो पारे । शुभकामना छ ।

तुलानात्मक रुपमा अर्जेन्टिना विश्व कपको सहज समूहमा रहेको छ । यद्दपी नकआउट चरणबाट भने वास्तविकत परिक्षा सुरु हुने अनुमान गरिएको छ । छनोट चरणमा भने अर्जेन्टिनाको यात्रा केहि कठिन रहेको थियो । छनोटमा सात खेलमात्र जितेको टोली ब्राजिल र उरुग्वेभन्दा पछि रहँदै रसिया विश्व कपका लागि छनोट भएको थियो ।

छनोटको शीर्षस्थानमा रहेको टोलीको भन्दा अर्जेन्टिनाको १३ अंक कम थियो । यस्तै सन् २०१४ को अघिल्लो विश्व कपको फाइनलमा पुगेको मेस्सीको अर्जेन्टिनाबाट यसपटक बढी अपेक्षा गर्नेपनि धेरै छन् ।