पारिजात महिला फुटबलको फाइनलमा, सनसाइनसँग भिड्ने

सबिन लिम्बु (सेर्मा)
झापा– पारिजात महिला फुटबल क्लब झापामा जारी प्रथम सनसाइन महिला कप झापा जिल्ला स्तरिय फुटबल प्रतियोगिताको फाइनलमा पुगेको छ । ज्यामिरगणीमा बिहीबार भएको दोस्रो तथा अन्तिम सेमिफाइनलमा जुनतारा महिला फुटबल क्लब खुदुनाबारीलाई ३–१ ले हराउँदै अन्तिम दुईमा पुगेको हो ।

पारिजातले शनिबार आयोजक सनसाइन महिला फुटबल क्लबसँग फाइनल खेल्नेछ । बिहिबार निर्धारित ७० मिनेटको खेल गोलरहित बराबरीमा टुंगिएपछि निर्णयका लागि टाइब्रेकरमा गएको थियो । पारिजातका लागि खुसी राई, समिक्षा गिरि, कप्तान दिक्षा चौधरीले गोल गरे ।

एलिना नेपालीको प्रहार जुनताराकी गोलपिकरले रोकिएन् । त्यस्तै जुनु मगरको प्रहार बाहिरिएको थियो । जुनताराका लागि यमुना अधिकारीले मात्र गोल गर्न सकिन् । रिता गजमेरको प्रहार पारिजातकी गोलकिपरले रोकिन् । ममता राउत र मनीषा बिष्ट को प्रहार बाहिरिएको थियो ।

विजेता टोलीकी दिक्षा उमन अफ दि म्याच घोषित भइन् र उनले १ हजार रुपैयाँका साथै ५ लिटर बाबा तेल प्राप्त गरिन् । प्रतियोगिताको विजेता ५५ हजार र दोस्रो हुने टोलीले ३० हजार रुपैयाँ प्राप्त गर्नेछ ।