लिभरपुल (एजेन्सी)– लिभरपुलका सुपर स्टार मोहम्मद साहालले रमदानको उपवासलाई शनिबार रियल म्याड्रिडविरुद्ध हुने च्याम्पियन्स लिग फाइनल अघि पनि कायम राख्ने भएका छन् । खेल सुरु हुने एक घन्टा अघि पनि उनले केहि नखाने बताइएको छ । मुस्मिल धर्म मान्नेले मे १६ बाट रमदान उपवास बस्दै आएका छन् ।  इजिप्टसियन साहाल पनि त्यसमध्येका एक हुन् ।

सूर्य नअस्ताउँदासम्म एक महिना मनाइने रमदानका ब्रतालुले खानपिन र धुम्रपान गर्दैनन् । खेल जीवनकै महत्वपूर्ण खेल भएपनि साहालले ब्रत तोड्ने प्रस्तावलाई अस्वीकार गरेको बताइएको छ ।

फाइनल हुने किभ सहरमा फाइनल सुरु हुनुभन्दा आधा घन्टा अघि मात्र सूर्य अस्ताउने अपेक्षा गरिएको छ । त्यस समयमा भने सालाहलाई केहि खान दिइने अनुमान छ । यद्दपी उनी भने उपवासले आफ्नो प्रदर्शनमा कुनै प्रभाव नपर्नेमा विश्वस्त छन् । उनी टोलीलाई छैटौं युरोपियन ट्रफी जिताउनमा प्रतिबद्ध छन् ।

लिभरपुलबाट यो सिजन सनसनीपूर्ण प्रदर्शन गर्ने क्रममा सबै खेलमा गरेर उनले ४४ गोल गरिसकेका छन् । यो सिजन उनले प्रिमियर लिगको उत्कृष्ट खेलाडिको अवार्ड पनि जितिसकेका छन् । लिभरपुललाई उपाधि दिलाउन सके दश वर्षयता बालोन डी’ओरमा लियोनल मेस्सी र क्रिस्टियानो रोनाल्डोको दबदबालाई सालाहले तोड्ने अपेक्षा पनि गरिएको छ ।