साउ पाउलो (एजेन्सी)– ब्राजिलियन पूर्व अन्तर्राष्ट्रिय रिभाल्डोले पेरिस सेन्ट जर्मेन (पिएसजी) का सुपरस्टार नेयमारले बालोन डी ओर जित्ने सम्भावना बढाउनका लागि स्पेनको रियल म्याड्रिड वा प्रिमियर लिगको कुनै क्लबमा जानुपर्ने सुझाव दिएका छन् ।

बार्सिलोनाबाट विश्व कीर्तिमानी रकम २ सय मिलियन पाउन्डमा नेयमारमा पिएसजी पुग्दा उनी लियोन मेस्सीको छायाँमा मुक्त भएको अनुमान गरिएको थियो । सन् १९९९ का बालोन डी ओर विजेता समेत रहेका रिभाल्डोले नेयमारले अवार्डको दाबेदारीका लागि च्याम्पियन्स लिग जित्नुपर्ने बताएका छन् ।

‘मलाई उनले रियल वा प्रिमियर लिग क्लबमा जानुपर्दछ,’ रिभाल्डोले भने,‘ बालोन डी ओर जित्ने सम्भावना बढाउन त्यो कदम चाल्नुपर्ने हुन्छ । फ्रन्च लिग प्रति मेरो कुनै पूर्वाग्रह छैन । तर, स्पेनिस वा प्रिमियर लिगसँग फ्रेन्च लिगको तुलाना हुँदैछ ।’

फ्रेन्च लिगमा रहँदा सम्म नेयमारलाई बालोन डी ओर जित्ने सम्भावना कम रहेको रिभाल्डोले बताए । ‘स्पेन र इङ्ल्यान्डका क्लबले च्याम्पियन्स लिग जित्ने बढी सम्भावना छ,’ उनले थपे,‘त्यहाँ जाँदा च्याम्पियन्स लिग जित्ने सम्भावना बढी हुन्छ । विश्वकै उत्कृष्ट खेलाडी बन्ने मौका पनि हुनेछ ।’

पिएसजी पुगेको केहि महिनामा नै उनी रियल जाने हल्ला चलेको थियो । यद्दपी उनी अर्को सिजन उनी पिएसजीमै रहने सम्भावना रहेको पनि बताइएको छ ।