6 years ago
May 23, 2018
लन्डन (एजेन्सी)– रसियामा हुने विश्व कपका लागि टोटेनह्यामका स्ट्राइकर हेरि केन इङ्ल्यान्ड फुटबलको कप्तान नियुक्त भएका छन् । इङ्ल्यान्ड राष्ट्रिय टोलीका प्रशिक्षक गारेथ साउथगेटले सोमबार राती टोलीको बैठकमा केनलाई कप्तानका रुपमा घोषणा गरेका थिए ।
लिभरपुलका कप्तान जोर्डन हेन्डर्सन र टोटेनह्यामका मिडफिल्डर इरिक डेयरलाई पनि सम्भावित कप्तानका रुपमा हेरिएपनि साउथगेटले रसिया विश्वकपको नेतृत्व गर्ने जिम्मेवारी कानेलाई सुम्पेका थिए ।
‘यो अद्भुत सम्मान हो । समयसँगै सधै इङ्ल्यान्डबाट खेल्ने सपना देखेको थिए । अहिले कप्तान हुनु मेरो लागि अपेक्षा भन्दा बढी हो,’ केनले भने, ‘विश्व कपका लागि म उत्साहित छु । त्यसको अनुभवका लागि आतुर छु । टोलीको नेतृत्व गर्नु पाउनु विशेष हुनेछ ।’
कप्तान हुनु एउटा पाटो भएपनि भूमिकामा भने खासै परिवर्तन नभएको केनले प्रष्ट पारे । ‘म अहिले पनि एउटा मानव हु । त्यहि खेलाडी हु,’ उनले भने, ‘यो त एउटा टोलीको विषय हो । हामी जति सक्छौं त्यति प्रयास गर्छौैं ।’
प्रशिक्षक साउथगेटले केनमा केहि असाधारण व्यक्तिगत गुण रहेको बताउँछन् । उनले भने, ‘उनी स्तरीय खेलाडी हुन । अहिलेको समयमा एकरुपताको प्रदर्शन गर्न सक्ने विश्वका उत्कृष्ट खेलाडीमध्ये उनी एक हुन् । त्यस्ता खेलाडीले टोलीको नेतृत्व गर्दैछन् ।’
पछिल्लो १८ महिनाको अनुभवले उनीमा टोलीको नेतृत्व लिने क्षमता देखिएको साउथगेटले प्रष्ट पारे । ‘निश्चय पनि उनलाई अरुको साथ चाहिन्छ । हामीले उनीमा नेतृत्वकर्ताको क्षमता देखेका छौं,’ उनले थपे,’ उत्कृष्ट कप्तान विना शीर्ष टोलीको कल्पना गर्न कठिन हुन्छ । मलाई लाग्छ चुनौति लिनका लागि उनी तयार छन् ।’
जुन १८ मा ट्युनेसियासँग खेल्दै इङ्ल्यान्डले रसिया विश्व कपको सुरुवात गर्नेछ । समूह जीमा त्यसपछि टोलीले पानामा र बेल्जियमसँग प्रतिस्पर्धा गर्नेछ ।
October 10, 2024
हिमाल खरेल, बिर्तामोड बिर्तामोड नगरपालिका वडा नम्बर ४ ले बिर्तामोडमा अन्तरवडा फुटबल प्रतियोगिताको उपाधि जितेको छ । वडा नं. ५ लाई बिहीवार सडनडेथमा हराउँदै वडा नं. वडा ४ ले उपाधि जितेको हो। निर्धारित समयमा गोलरहित बराबरीमा खेल सकिएपछि भएको टाइब्रेकर पनि बराबर भएको थियो । सडनडेथमा वडा नम्बर ५ लाई ८–७ गोलअन्तरले हराउँदै वडा नम्बर […]
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]