ब्रसेल्स (एजेन्सी) – फिफा विश्व वरियतामा तेस्रो स्थानमा रहेको बेल्जियमले आज विश्वकप २०१८ का लागि आफ्नो २८ सदस्यीय प्रारम्भिक टोलीको घोषणा गरेको छ ।

बेल्जियमको टोलीमा इंग्लिस प्रिमियर लिगका १५ खेलाडी रहेका छन् जसमा कप्तान तथा चेल्सीका एडेन हाजार्ड पनि पर्दछन् । प्रशिक्षक रोबर्टो मार्टिनेजले आफ्ना सबै अनुभवी तथा नियमित खेलाडीहरुलाई राखे पनि रोमाका राड्जा नाइनगोलानलाई पनि टोलीमा स्थान दिएका छैनन् । नाइनगोलान र मार्टिनेज बीच केहि महिनायता सम्बध चिसिएको खबर आएको थियो ।

बेल्जियम आफ्नो पहिलो खेल जुन १८ मा पानामासँग खेल्ने छ । त्यस्तै बेल्जियम रहेको समूह ‘जी’मा इंग्ल्यान्ड र ट्युनिसिया पनि रहेका छन् ।

प्रारम्भिक टोली

गोलकिपर– थिबो कोर्टुवा, साइमोन मिन्योलेट, म्याट्स सेल्स, कोएन क्यासटिल्स

डिफेन्डर– टोबी एल्डरवेरेल्ड, डेड्रिक बोयाटा, लियान्डर डेन्डोन्केर, लरेन्ट सिमान, क्रिस्टियन काबासेले, भिन्सेन्ट कम्पनी, जोर्डर लुकाकु, थोमस मुनियर, थोमस भर्मेलिन, जान भर्टोन्घेन

मिडफिल्डर– यानिक कारासो, केभिन डे ब्रुयन, नासिर चाड्ली, मुसा डेम्बेले, मरोएने फेलाइनी, एडेन हाजार्ड, थोर्गर हाजार्ड, आड्नान जानुजाई, ड्राइस मर्टेन्स, युरी टेलेम्यान्स, एक्सेल विट्सेल

फरवार्ड– मिची ब्याटसुवायी, क्रिस्टियन बेन्टेके, रोमेलु लुकाकु